聘珍樓

营业中

休息中

周末约咗屋企人一齐饮茶提早庆祝母亲节，早咗成个几礼拜book枱，要book 两张台一齐坐。屋企人一早到咗，话要等，佢哋话ok, 我哋到咗问佢，佢就话系要等㗎啦，其实我哋都唔知咩事，话Ok, 整整吓佢就话嘟埋个安心出行就入得，入到去点知佢俾咗两张大斜角既枱，我哋问有冇啲平排嘅枱， 佢就话冇，仲讲人人都系咁㗎啦。咁OK啦我哋就坐低咗。点知我出去洗手间见到有四张吉枱可以平排咁坐， 咁我就问部长可唔可以调过去，个部长话唔得㗎，有个客一定坐其中一张枱，咁我就问佢咁另外果两张呢？佢话唔得啦，人哋订咗。咁我就话其实我哋都系一个几礼拜前订咗嘅，佢话依家真系冇位啦，阵间有位我再帮你安排啦。最后当然就系不了了之⋯⋯如果想一家人开开心心去食餐饭， 呢间野真系唔系一个好选择，食物又贵，质素一般，呢个价钱可以系出面揾到更多更好嘅选择。