西貢茶記

营业中

休息中

早餐时间8-9点入到去，啲伙记态度麻麻地，话2位又无人理咁好啦我自己揾位坐。想揾人落单叫咗好多声都无人理，楼面有4-5个伙记，绝对more than enough，但系个个挂住打牙骹无人serve客，叫咗几分钟先有人埋嚟落单。好啦，我当你「茶记」无服务系咁㗎啦，不过好戏在后头。个早餐五香肉丁面肠蛋蒜蓉多士，个面仲生生地嘅，其他都中规中矩。餐饮叫咗杯茶走，饮咗两啖，因为赶时间咁朋友就埋咗单先，我就谂住饮埋杯嘢先走。点知我仲饮紧嘅时候，个楼面阿姐二话不说就掉咗垃圾落我杯茶走，执枱赶我走，大佬我仲饮紧杯嘢㖞只手仲未离开过。咁我就话佢知「我未饮完个㖞」，个阿姐好冷淡话「咁要唔要冲过杯畀你吖」，但系我赶时间等唔切就话「唉，算啦唔使」，个阿姐头也不回就咁走咗，唔好意思 / 对唔住都无一句，呢啲「茶记态度」真系顶唔顺。总之我就唔会再帮衬呢啲「茶记」，亦会叫晒身边所有朋友入西贡唔好食呢间茶餐厅。永不录用，以上。