勝香園

营业中

休息中

叫咗两个面、一个柠蜜脆脆、一杯冻奶茶。面嘅汤同番茄酱完全分离，摆明系将啲嘢倒埋同一个碗就算，捞匀都费事。杯嘢饮又落错单，冻奶茶走甜变走冰。廿几蚊个面无谓计较，都无叫佢换过杯奶茶，但已经肯定间嘢唔值得排咁耐队。到食晒两个面，柠蜜脆脆都未嚟。因为担心漏单，就同阿姐讲声个柠蜜脆脆未到，点知句嘢都未讲完，阿姐就态度恶劣打断问题，话要时间整唔好催。过咗一阵柠蜜脆脆嚟到，阿姐仲要好寸咁加多句︰「拿而家咪嚟咗啰！催乜嘢丫！」其实系见佢有前科落错杯奶茶先担心再有错漏，而食完两个面都未到亦确实有啲耐，自问问得有礼貌，但阿姐就句句咄埋嚟，临尾仲要攞多身彩，嗌到其他食客都听到佢话我哋。其实简单答一句「等多阵」系咪好难？一肚气走，以后唔会再嚟。见到呢度啲负评全部都系话阿姐态度差，睇嚟间嘢都惯咗对客咁差，无得救。