渣哥一九九六 (已結業)

今日午饭时间见人都无只、唔洗排队就去买一个煎酿三宝、一个肠粉。落单时我同个收银员讲：「肠粉唔该走甜酱」，佢无理我。到佢叫我单号时我再问佢（同一个收银员负责叫单号），我话：「想问下个肠粉系咪走咗甜酱㗎？抑或啲酱要自己落？」，佢好大声咁喝我：「酱落咗啦！写咗啦！」。当时立即明白佢哋点解会无客！十问九唔应（仲要系喺无客嘅情况下，如果佢哋系忙嘅话我可体谅）仲未完，番去打开盒肠粉，发现咩酱都无，只有豉油！佢明明话落咗酱㗎㖞！喝个客仲要俾错嘢人，你话系咪贴钱买难受？成日听到饮食业话难做，有哩啲害群之马真系难上加难，我真心唔会、唔敢再帮衬…