歡樂大排檔

营业中

休息中

今日去到叫咗个几个小菜同龙虾烧鹅套餐$298，上菜极慢，食完一碟隔10分钟先嚟另一碟！最后伊面龙虾等咗差唔多成个钟都未嚟，前后催左三次，都冇人跟，最后顶唔顺话买单经理先走过来，话要等多10分钟，我话我唔等，我已经催左好多次。咁咪买单，结果烧鹅计返我正价$168，劲唔合理，上菜上得慢乜嘢表示都冇之余，仲要我用正价去俾返烧鹅钱，我系因为有优惠我先会嗌呢个套餐，结果你收返我正价。经理态度恶劣，不单止觉得自己啱晒，仲要返口质问我哋，话我哋已经食咗只烧鹅，所以要收返我哋正价，觉得我哋先系错个边。环境逼夹，地方浅窄，座位与座位之间没有空间，走动困难，请大家谂清楚先选择呢间餐厅。