百匯軒 (已結業)

亲戚贺我新居入伙，一行十六人去新都城百汇轩晚饭，原先订枱十六大一细，有个放飞机，变左十五大一个手抱细路。去到同个部长讲，而家少一个，连细路十六人，部长话我book位十八人，系咭度写十八人，痴线架。同佢确认人数，又唔即时更改，话埋单时会减返，ok,我信你。因为围餐唔可以做半席，于是点了个十二人全包宴再加小菜，另一经理劲推介我加480蚊转星斑，我觉得不化算，所以我只加了几个小菜。小菜份量个人黎讲觉得不够大，不过纯粹个人意见，不作详述。其中点了个虾仁炒蛋，可惜冇来，来左个贵妃鸡，由于人太多，跟本冇留意黎有否来错，食到一半先发觉落错单，都冇同佢计较，餐牌冇贵妃鸡价钱，于是问部长，佢话$168，ok。围餐送十二罐啤酒汽水，拣剩既汽水叫侍应换啤酒，哗，态度差到呢，咀妙妙口嗡嗡，极不友善。好戏在后头，埋单时，阿姐攞张单黎，一本簿抛落转盘，嘭一声，我都火火地，咩态度呀？对一对张单，人数计我十七人，有冇搞错，我地连埋BB都系十六人，同佢更正，佢竟然够胆话我订位十七个，甘开头个经理讲嘢废架？贵妃鸡计我$188，于是又同佢更正，话经理讲$168，落错单我地已经算，个阿姐好串甘话:甘我咪改返俾你啰!戏肉来了，