Espresso Alchemy

营业中

休息中

今朝老公 search openrice, 拣咗呢间 cafe，佢未试过，一心去试吓，（我其实几间分店都有食过）坐底见唔到个 set menu，我老公就去问清楚，睇吓系咪 weekend 无，结果，个女 staff 望都无望人，耷低头话假期无，语气麻麻，我老公返埋枱就嬲爆爆，话今朝本来心情几好，见到个女 staff 嘅态度即刻无哂胃口，结果走人去咗第二间 cafe 食。第二间都系无 set, 不过 staff 友善，食得开心。啲 staff 见我哋起身走人，相信以为我哋因为无 set 而走，我老公今日可能有少少大反应，不过，我想表达系有时一个 staff 嘅态度真系会影响个客，如果香港嘅餐厅唔谂吓点改善自己，而只怪罪香港人上深圳消费，香港餐厅会更加难做，我都好少上深圳消费，但有时都因为啲餐厅服务同质素，宁愿自己煮。我虽然今次无食，不过之前都有食过，所以都照比评价。