影片
更多
2024-04-12
281 浏览
😡😡😡😡😡😡😡😡😡😡😡😡😡😡😡其实系先前嘅事，但系我一直耿耿于怀，唔开心到今时今日，我唔明白点解经济已经唔好，唔系应该俾心机做好自己份工咩？点解啲侍应嘅态度可以差到咁。。。。。我一家四口，晚上去帮衬，谂住简简单单食个快饭，见入边冇咩人咪入去坐啰，我坐低咗一张枱先发现我随身嘅物品，冇位摆，我就问侍应，可唔可以转去梳化位坐，侍应话：「可以，不过枱上面𠮶啲水同餐具，你自己搬过去。」咁冇办法啦，鬼叫系自己麻烦要调枱咩！！咁咪死死气自己搬啰，坐低一家四口谂好食咩，叫人落单，当然系叫咗好多次都冇人理啦，佢哋成班姐姐活喺自己嘅空间，好享受自己悠闲嘅工作环境，完全冇主动帮现场任何一个人。侍应姐姐走到过嚟问我哋食咩？我问佢仲有冇黑椒三宝饭？侍应姐姐一面无奈的样答我:「小姐⋯⋯⋯⋯⋯三宝饭系午餐嚟㗎」（当时侍应的态度、样貌、身体语言、都非常之不耐烦，好串，好乞人憎！）答完我一句说话之后，就转身走咗！我一台四个人，就算我嗌错咗一个餐，咁你都可以问吓其他人食咩，落单先啫，唔使拧转身走咗去啊。。。。。我嬲到马上走咗！其实我成日帮衬架，虽然唔算熟客，但每个月都有三四次，已经帮衬咗好几年，但𠮶一次之后，我冇再返去帮
我一家四口，晚上去帮衬，谂住简简单单食个快饭，见入边冇咩人咪入去坐啰，我坐低咗一张枱先发现我随身嘅物品，冇位摆，我就问侍应，可唔可以转去梳化位坐，
侍应话：「可以，不过枱上面𠮶啲水同餐具，你自己搬过去。」
咁冇办法啦，鬼叫系自己麻烦要调枱咩！！
咁咪死死气自己搬啰，坐低一家四口谂好食咩，叫人落单，当然系叫咗好多次都冇人理啦，佢哋成班姐姐活喺自己嘅空间，好享受自己悠闲嘅工作环境，完全冇主动帮现场任何一个人。
侍应姐姐走到过嚟问我哋食咩？
我问佢仲有冇黑椒三宝饭？
侍应姐姐一面无奈的样答我:
「小姐⋯⋯⋯⋯⋯三宝饭系午餐嚟㗎」
（当时侍应的态度、样貌、身体语言、都非常之不耐烦，好串，好乞人憎！）
答完我一句说话之后，就转身走咗！
我一台四个人，就算我嗌错咗一个餐，咁你都可以问吓其他人食咩，落单先啫，唔使拧转身走咗去啊。。。。。我嬲到马上走咗！
其实我成日帮衬架，虽然唔算熟客，但每个月都有三四次，已经帮衬咗好几年，但𠮶一次之后，我冇再返去帮衬了。。。。每次谂返起都仲好嬲！
我只系想食个饭啫，其实我做错啲咩呢？
张贴