公和荳品廠

营业中

休息中

作为一个穷游素食者，揾到呢一间餐厅好开心。上一排发现呢间嘢之后做咗佢哋嘅常客。食咗大概六七次，应该可以写一个比较中肯嘅review。上一次会系我最后一次食呢一间餐厅，因为我发觉我次次食完之后都心情好chur就算餐厅唔系太多人，可能佢哋惯咗chur人落单执嘢有一种好赶客嘅感觉我本人接受唔到。餐厅卫生一直都唔系咁好好多位都黐立立枱面经常有没有抹好的汁。最后果次食食吓冻奶冻，有只死咗嘅乌蝇喺入面。𠮶日心情想试吓点知就有粒死咗嘅乌蝇喺底，𠮶刻觉得好呕心想快啲走没有影相。佢哋见到我咁唔开心都费事同我嘈最后都话好啦呢碗唔计你钱。 一开始佢哋唔系好想，因为见到我食咗差唔多成杯。咁我都要食到底先见到，冇谂过要check成碗豆腐花先开始食㗎嘛。 一句对唔住都冇，净系保持一个赶客人走嘅态度。当然我会唔舍得佢嘅煎豆腐，鱼腐同芽菜。 价钱方便便宜同埋次次都热辣辣。 但系服务同卫生真系令到我唔想再帮衬喇。食物推介：芽菜，豆腐食物卫生： 不建议餐厅服务： 好chur，好赶客，收银态度不好。