竜王居酒屋 (已結業)

睇完OpenRice 经OpenRice book埋台就伏咗。有点被过高评价。睇埋GoogleReview果边老实好多。入到铺好似审犯咁问有冇book台，如果唔系称住个细路可能走咗。后生仔倒咗三杯茶，我问可唔可以要杯唔热比小朋友，亚经理可能表达能力唔系咁好，感觉好不满咁拎咗杯冰比我 - 多谢晒。后生仔喺附近，就随便揾佢落单。佢好有效率咁揾经理帮我落。我地要一个竹炭乌冬、一个豚肉乌冬，亚经理转身想走，我话佢知未落完㗎。。加埋鱼生、竜王卷、串烧。。最后少咗碗乌冬，揾后生仔follow up，佢好似听唔明定唔知点，要厨房叫出嚟同我哋讲会跟一跟。食晒全部野，碗乌冬都冇嚟就算。因为经理好忙，后生仔又企定定喺道，唯有挥手揾佢埋单，原来佢眼睛对住你唔代表focus到你，总之佢只系一个纸板人笃喺度。食物系ok嘅，价钱其实唔平，加埋自讨苦吃嘅态度直头系贵。三个人，坐咗半个钟，未食饱埋单九百几。