竜王居酒屋 (已結業)

呢間嘢喺之前係一間比較高價既居酒屋，唔知係咪因為做唔住，轉返做做set，定食（無加一），午市晚市都係一樣價錢。見佢平返就夜晚諗住去試下，入到去，已經見到個後生男waiter睇上黎好唔耐煩，鋪頭話無加一，所以無杯熱茶、餐具要自己攞，樓面服務真係唔得，食物質素就符合返個價錢啦（60蚊左右），大家自行斟酌。

堂食丼飯太濕食剩飯，女店員收碗話下次幫你少飯，更問太太你定食碗飯是否打包取走？我在香港生活了40多年，未試過有店員問食唔晒白飯要攞走？不知是否女店員每天見白飯當廚餘，不過今時今日香港地咁問好奇怪？這命題值得研究。

今天第一次到訪竜王，食物新鮮好味，sashimi好大舊，熟食串燒都好味，服務態度好好，最值得讚是日本生蠔，超鮮味，日本餐嚟講，價廉物美，值回票價！推薦給所有日本控！

這是我弟推介的居酒屋, 我便抱著好奇心試試看。 由於坐位不多, 所以建議要先預訂才穩妥 。我便經openriceApp 一天前訂坐。居酒屋當天致電給我確認, 跟進得很妥貼。午市的套餐選擇都很多, 食材新鮮美味, 地方乾淨企理, 性價比高, 各位值得一試。

本身訂了1位6點，但因為收工遲咗。職員好好，打電話嚟確認，幫我改到6:30留座。 叫咗天婦羅同埋豚肉烏冬，味道不錯。可能因為太早同埋1個人嘅關係，食物速度非常快，員工態度良好。

喺北角發現呢間不顯眼既日本餐廳，食物有驚喜🤤lunch set 有好多選擇，CP值超高，如果散叫，推薦大Toro、葱吞拿魚腩手卷、軟殼蟹沙律&青瓜卷 😆PS 店員勁nice 👍🏻

食物種類繁多，有串燒/天婦羅/飯麵👍🏻，質素ok，坐得舒服，服務態度好，作為聚腳點幾好，會再光顧。醬油漬牛蒡 - 夠入味軟殼蟹沙律 - 新鮮好食秋刀魚刺身 - 夠肥美有驚喜，燒一燒更好味其他如豚肉蘆筍卷、和牛串燒等都okA wide variety of food, including skewers (kushiyaki), tempura, rice & noodles, nice quality, comfortable environment and good service quality. Great as a gathering point with friends on the HK island 😀

日本菜經常都食，難得這次點的刺身拼盤讓我有驚喜，還有當造的秋刀魚刺身，不容易能吃到啊。刺身拼盤還有紫蘇葉，我用來包着刺身吃，味道更香更清新，餐廳能注意到這樣的小細節，真是要加分。

可能廢老唔識欣賞，食咗八舊幾唔知食咗D乜，兩個字講晒：中伏！最離譜係個海膽，睇落正正常常，一食係霉嘅！個龍王卷，隻龍船就大嘞，D卷就鹹到苦😓 刺身又淡茂茂完全冇鮮味。有點擔心今晚會肚痛😓

今晚同朋友試試這間居酒屋 令人有意外的驚喜😋😋食物好食 特別係白鱔串燒和刺身 另外店長亦介紹了適合我們喝的sake 甜甜的 容易入口另外值得一提的是 這裡的店長 Nittie 非常友善 服務態度很好👍🏻 剩喺讓人賓至如歸的服務已經足以令人再度光顧

🐥照燒雞扒定食雞扒size偏細，唔算厚肉💁🏼‍♀️但係個皮煎得非常香脆，完全唔會油膩🥰照燒汁係另上既，等大家可以因應自己口味調節🧡雞扒旁邊仲有少少柚子胡椒，令味道更有層次🫶🏻定食：味噌湯｜茶碗蒸｜漬物｜沙律｜白飯茶碗蒸好滑，如果入面既料多d就好😂沙律好大碗，菜都新鮮，食落爽脆🥗白飯值得一讚，餐廳用上日本米🇯🇵煲到粒粒分明，煙煙韌韌咁😋午市套餐幾抵食，一百蚊唔係就有咁多嘢食🤩朋友個天婦羅蝦都唔錯😌住附近既話都可以試下🤤

魚生唔新鮮，仲有啲乾乾地，拖羅係灰灰地，啡啡地，價錢係呢個質素黎講係極低，我可以話係完全唔up to standard仲有炸物係唔脆，總之食物都好普通，價錢又唔係平，食到成肚氣，唔怪得成晚無人食

係一個炎熱既下午結束上午既工作，就要好好咁犒賞自己。餐廳唔大，勝在地理位置夠方便。麻雀雖小，五臟俱全，餐牌上面甚至有埋廚師發辦呢個選項。我就選擇左日式叉燒拉麵。飲品要加錢，同埋佢本身有茶水提供。所以我就淨係飲佢嘅日式茶。首先嚟到嘅就係佢幾個小菜，同埋佢嘅味噌湯。我嘅步驟就係食咗沙律先，之後就係（先付）：八爪魚加螺肉。呢兩樣嘢其實真係好開胃。沙律喺最大嘅程度上保持左生菜獨有嘅新鮮口感。先付有醬汁醃過，所以有淡淡嘅海鮮味。個人鍾意食八爪魚多啲。之後我就食咗炸餃子，炸得酥脆入味，入面多肉同埋多菜。味噌湯就同另外壽司舖一樣，有紫菜同埋豆腐。拉麵上枱時間都算快，賣相睇落唔錯。糖心蛋入面嘅糖心係液態。流落面汁，沾上拉麵別有一番風味。叉燒有三塊，啖啖都係肉，得少少脂肪。湯底好濃郁，呈奶白色，入面嘅紫菜好多。紫菜上方滲有少少芝麻，口感相當豐富。唯一美中不足係30度既夏天，店舖內好似冇冷氣咁。所有定食價錢都包前菜加湯。成個lunch一共$88。

差到冇人有！服務態度奇差，追單不置理會，再三追之下才肯跟進，分明廚房漏單，連道歉都冇句，當冇事發生過咁！還有，拉麵淋patpat, 應該煲過龍，日式叉燒鞋都冇朋友，本來烹調稍為遜色還可容忍，但態度傲慢，真係嬲到我爆炸！！！

上次喺北角經過 見到呢間日式餐廳 就入左去食野🍴嚟到當然要試招牌「竜王卷」用咗超有氣派嘅龍頭盤裝住😂佢係炸蝦卷 上面再放吞拿魚蓉同三文魚籽 真係超級豐富 個壽司飯仲加左啲醬油 食落更惹味！