影片
更多
2019-02-01
245 浏览
第一次系长洲食海鲜，点知入左呢间不知所谓既舖，发誓以后绝不帮衬！第一宗，"海鲜价"，佢地街头派单张一个价，入到店内，有另一个价，佢地解释单张上系"例牌"，而介绍我地"加大"，相差成一倍，主要系分量上既分别，好啦，我地打算走，点知有第二招....第二宗，"快刀斩乱麻"，当我地想转场，佢话都无甘快上第一道菜，难饮既粟米汤，系甘既情况下，人地上左菜，我地话转场，变相我地理亏，所以"局"住叫菜....阿姐仲要不停叫你"加大"，吹你快快口答应，好彩我地慢慢睇清楚d收费同𩠌菜先叫，我地一行9人，最后叫3例牌，4加大，就当试菜，预左唔饱....第三宗，"食得快好世界"，话说我地9人被安排到某食档后面既位置，当时正值人地开档时间，个老细又要我地换凳又要我地搬走个人财物，又好恶同我地讲"比条路黎行"，仲要系甘对我地眼超超。大佬丫，我地虽然唔系你既客，但都唔洗甘。我地有同伙记要求换枱，但对方因座位有限对我地洒手拧头，搞到我地成餐食得唔舒服....第四宗，"无料扮四条"，其中一道炆鱼腩加大，点知用几旧烧肉扮鱼腩，仲要用白菜仔垫高个底，大佬，你甘样系违反商品及说明条例㖞....第五宗，"明虾你"，我从来未食过
第一宗，"海鲜价"，佢地街头派单张一个价，入到店内，有另一个价，佢地解释单张上系"例牌"，而介绍我地"加大"，相差成一倍，主要系分量上既分别，好啦，我地打算走，点知有第二招....
第二宗，"快刀斩乱麻"，当我地想转场，佢话都无甘快上第一道菜，难饮既粟米汤，系甘既情况下，人地上左菜，我地话转场，变相我地理亏，所以"局"住叫菜....阿姐仲要不停叫你"加大"，吹你快快口答应，好彩我地慢慢睇清楚d收费同𩠌菜先叫，我地一行9人，最后叫3例牌，4加大，就当试菜，预左唔饱....
第三宗，"食得快好世界"，话说我地9人被安排到某食档后面既位置，当时正值人地开档时间，个老细又要我地换凳又要我地搬走个人财物，又好恶同我地讲"比条路黎行"，仲要系甘对我地眼超超。大佬丫，我地虽然唔系你既客，但都唔洗甘。我地有同伙记要求换枱，但对方因座位有限对我地洒手拧头，搞到我地成餐食得唔舒服....
第四宗，"无料扮四条"，其中一道炆鱼腩加大，点知用几旧烧肉扮鱼腩，仲要用白菜仔垫高个底，大佬，你甘样系违反商品及说明条例㖞....
第五宗，"明虾你"，我从来未食过手指尾甘长既海虾，仲要无虾味，附送黑色既虾肠，d肉梅既，真系虾得就虾....
第六宗，"你是风儿，我是沙"，食到成口沙既蛏子都系第一次，当然都系手指尾甘长，我又系从未食过呢个size，大部份黑炆炆都唔食得，食左惊生石....
第七宗，"货不对办我最劲"，扇贝个size黎到细到吓亲，都唔知咩贝，成餐最好食系d粉丝，比海鲜价食粉丝㖞，点会唔好食😂
其实一宗都嫌多....
不过，都有好食既，例如，海鲜价既粉丝，椒盐九肚鱼同椒盐鲜鱿....
相就无影到，不过食海鲜真心唔推介，明码实价会好过海鲜价....
我唔系打手，如果大家唔信尽管一试，保证难忘！😂
张贴