大頭蝦南風海鮮酒家

营业中

休息中

今日过东涌去朋友新居参观一下，顺便食埋饭先走，带左我去佢楼下嘅大排档，朋友话呢间大排档好出名，好多人都过嚟食。呢间大排档分室外室内，地方好大，一大班朋友食饭都无问题！餐牌好多选择，小菜，烤鱼都有！烧味双拼-切鸡，烧鹅哇，两款咁岩都有脾位🤤🤤切鸡一啲都唔肥，系无乜肥膏，个皮食入口系脆卜卜咖，唔系平时买果啲冰鲜鸡。鸡肉就算近胸嘅位置啲肉都好滑，唔柴。烧鹅又系唔会好肥，个皮好香食入口好juicy，但唔会好油。再加上酸梅酱，真系好正。巴蜀川味烤钳鱼一上枱望落好似好辣咁，原来食落好香唔会劲辣，小辣嘅程度啦，钳鱼又系预先煎香再放落去。不过边滚边食，真系越食越辣😆但又食得好过瘾，仲可以加汤打边炉添。金银蛋唐生菜🥬金银蛋苋菜就食得多，唐生菜都系第一次，估唔到又几好食㖞。唐生菜爽脆，好夹。入面仲有啲草茹，好味。呢度环境坐得好舒服，地方又大唔迫。室内冷气都好充足，食物好味，慢慢倾吓偈都几正。