影片
更多
2011-10-30
1249 浏览
慕名而来，第一次帮衬 ﹗由九龙站一直行到 Bvigari 同 LV 附近上电梯再过就系丽思卡尔顿酒店喇。朋友迟到，等了又等，仲未到。迟唔紧要，但因为无订枱服务，怕无位呀 ﹗过埋条靓靓电梯就到丽思卡尔顿酒店大堂喇。高速 Lift 内都几细，长方形、全黑色，几特别，到 103 楼要再转 lift 去顶楼 118 ﹗都只不过系半分钟。依家只系七点多，露台位已满，咁唯有座室内啦。装修好靓，枱櫈唔算太挤迫，只系音乐太大声，有点嘈。108 楼既酒吧餐廰，一望无际既海境，居高临下，日境夜境同样美极了 ﹗有室外室内坐位选择，无风既时候系露台会有点闷热，但室内音乐比较嘈。估唔到依度会有高级刺生食，质数可以比美日本料理餐厅，美味非常 ﹗服务有礼，招乎都唔错，好满意。研究吓个 menu 先，哗哗哗 ﹗正，有顶级伊朗鱼子酱呀，不过朋友麻麻地，咁下次先食啦 ~ 哈哈，中国？不值一提噜。哗哗哗 ﹗搞错呀，居然有 France Belon 呀 ﹗话之佢贵，梗系要食啦。睇个 drink list，净系香槟都廿几三十只，头都痛，好难拣，如果有品酒师介绍咪好啰。见最平一支都要 HKD900。一场黎到，饮好啲叫只 Blan
过埋条靓靓电梯就到丽思卡尔顿酒店大堂喇。高速 Lift 内都几细，长方形、全黑色，几特别，到 103 楼要再转 lift 去顶楼 118 ﹗都只不过系半分钟。依家只系七点多，露台位已满，咁唯有座室内啦。装修好靓，枱櫈唔算太挤迫，只系音乐太大声，有点嘈。
108 楼既酒吧餐廰，一望无际既海境，居高临下，日境夜境同样美极了 ﹗有室外室内坐位选择，无风既时候系露台会有点闷热，但室内音乐比较嘈。估唔到依度会有高级刺生食，质数可以比美日本料理餐厅，美味非常 ﹗服务有礼，招乎都唔错，好满意。
研究吓个 menu 先，哗哗哗 ﹗正，有顶级伊朗鱼子酱呀，不过朋友麻麻地，咁下次先食啦 ~ 哈哈，中国？不值一提噜。哗哗哗 ﹗搞错呀，居然有 France Belon 呀 ﹗话之佢贵，梗系要食啦。
睇个 drink list，净系香槟都廿几三十只，头都痛，好难拣，如果有品酒师介绍咪好啰。见最平一支都要 HKD900。一场黎到，饮好啲叫只 Blanc 啦，多谢 HKD1200 + 10%，入口不酸而微甜，带淡淡清香葡萄及酒香味，满意啦。用原味果仁做 nut，够高档，开心屎，清晒。
日本清酒配刺生正外，靓白酒或靓香槟配刺生都不错 ﹗刚落飞机既活象拔蚌，我唔客气喇 ﹗经理见我地叫咁多野食，专登过黎推介。未食过咁昂贵啊，HKD120 得两片，非常大块，超甜海鲜味，劲鲜爽滑溜。火锅店同酒楼提供既又淡又细片既象拔蚌不能相比，级数差天共地。食多多都唔会厌，好想添食，必食 ﹗
极上吞拿鱼腩寿司 fatty tuna，多谢 HKD260 两件 ﹗搞错呀，点可能肥得咁紧要架 ﹗超肥美，色泽油润鲜粉红色，滑到至极，放入口已开始溶化，甜味充满口腔，直冲食道，直逹胃部 ﹗好食到无法形容，真系想叫返一两打黎食，必食 ﹗
寿司并盘，HKD488 五款共十件，卖相一流。全部由厨师选取最靓最时令既食材，所以有机会每次食到既都唔同。今次系三文鱼子、珍宝帆立贝、𫠒红鱼、池鱼及吞拿鱼腩，每样都超新鲜又香甜，肥美非常，色泽鲜明，无得弹。要大赞系虽然只系寿司并盘，但用既吞拿鱼腩绝对上级，鱼脂丰富滑溜，香甜美味，入口即溶，只系比极上略低级少少乍 ﹗寿司饭全部系师父手握，干爽、咽靭、淡淡饭香加甜醋味道，高质 ﹗完全无位比我弹 ﹗
France Belon 每只 HKD90，如果叫一打就只需 HKD1000 ﹗鲜鲜鲜甜甜甜爽爽爽滑滑滑，饱满肥嘟嘟又白雪雪，雪白既肌肤，好可爱，想即刻倒晒落肚 ﹗入口爽滑带弹性，天然海水味道，鲜蚝香味留系口腔内久久不散，仲有淡淡矿物味，好好好食 ﹗至爱至爱 ﹗必食 ﹗
软壳蟹手卷，要成 HKD155 一卷，真系要试真啲点解贵成咁。见 size 都好大件，有蟹籽、青瓜丝同火箭菜作点缀。大啖咬落去试一试，外脆外软，外面香脆、里面软棉棉。系用大软壳蟹黎做，啖啖肉又非常鲜甜，配埋丰富又甘香蟹膏，好好味 ﹗以此价钱真系物有所值。
龙虾汤 shooter，创意爆灯 ﹗用 shooter 杯装住，掂 ﹗但系温度微暖，而且浆实系杯里面，饮时必须略略搅拌，否则倒唔到出黎。味道太咸，无龙虾鲜味，亦无干邑香味，鞋口又唔滑，失败 ﹗差 ﹗
香煎大虾，无头无壳成粒啪够晒干净利落。大大只虾又鲜又爽，好美味。中间橙色既物体，我同朋友仔都觉味道似层相识，但系讲唔出系咩黎，系咪用虾膏做架呢？总之依道菜好食啦 ﹗
迷你和牛汉堡，因朋友仔由细到大都唔食牛，我又好想试，咁唯有我一个人食晒啦。简约既烹调，只系用少量鲜蕃茄酱作调味，无用其他配菜喇。即煎和牛，味浓、香口、外脆内嫩。有肉汁，但未算丰富；口感松软，但未算滑溜。有烧烤香味，配埋软垫面包，好正，好好味 ﹗Good ﹗推介。
脆鸭卷配海鲜酱，感觉跟片皮鸭卷炸左一模一样。馅料系厚切鸭肉一片、熟透既京葱丝同青瓜丝。味道同口感都平庸，要系酱汁上下点功夫，炸物同海鲜酱完全唔夹，实太单调又无创意，味道好寡，麻麻地。
张贴
