容記小菜王 (已易手)

今晚老细话要去鸭寮街做market survey, 所以顺道一行五人慕名黎试烧肉. 由于时间尚早, 食客不算太多.一坐低, 伙计介绍左几款小菜, 只可惜我地大半个钟前才食过肠粉, 所以不太肚饿. 随意点左几款小菜.最先上枱既系烧肉(大) 烧肉非常香脆, 皮好脆, 肉好淋, 好香口. 而且仲热辣辣的! 之后系豆腐鱼云汤, 汤既颜色颇白, 好足料, 好多鱼肉, 加上白菜仔, 几清甜唔腥! 下火一流! 沙疆鸡(半只)跟住送上, 鸡肉好滑, 几新鲜, 而且唔肥. 沙疆汁好香, 送饭唔错呢! 斋菜卷, 好多件, "献"汁略杰, 但整体感觉ok. 金银蛋豆苗, 由于太饱, 无试到, 但色水唔错. 最后仲点左一煲排骨煲仔饭. 细细煲, 12蚊算几抵. 几香口, 因为饭焦都几多呢!!服务一般, 伙计有点hard sell, 样都话好食. 其实个人感觉好一般! 系烧肉同沙彊鸡较佳!