S2 Kitchen (已搬遷) 新店位置

每个钟意食海胆嘅人都应该知中环呢间以海胆杯闻名嘅餐厅，而我终于同个海胆迷朋友夹到时间嚟试吓喇［十层海胆杯，$398］呢个海胆杯用上嘅北海道紫海胆，食落鲜味中带清甜，同杯入面嘅其他食材，例如三文鱼籽、松叶蟹肉、拖罗蓉等，都好夹，互相唔会抢咗大家嘅味道［青苹果蟹籽沙律，$88］睇住师傅将青苹果转住咁批成好长好长嘅薄片，再切成丝，条条都一样粗幼，真系不得不赞叹师傅嘅好刀功。微酸嘅青苹果同蟹籽同沙律酱真系绝配，又清爽又开胃［S2特色海胆火焰卷，$148］寿司卷上铺满咗海胆、带子、蟹籽，而放火㷫过后，香味更突出［清酒鲍鱼鸡翼，$78］鸡翼烧得好香口，而入面酿嘅系原只清酒煮鲍鱼，煮得好香好多汁，惊喜之作［海胆烧岩蚝，$98/只］半生熟蚝肉十分鲜味海胆好大片呀，好鲜甜［云海板上飘，$318］呢个咁抽象嘅名，真系唔睇menu个图都唔知系咩。原来佢系拌咗秋葵蓉嘅竘蒻面，上面再铺一层海胆同黑松露。颜值系高，但我就觉得黑松露味道盖过咗海胆，有啲浪费［海胆雪糕，$68］不得不佩服呢个创作。雪糕用上北海道牛乳同海胆做成，幼滑而味道唔算突兀，值得一试其实我哋入到嚟先知原来餐厅好细间，而我哋被安排坐喺吧台嘅最尾，同