鯛魚魚湯專門店 (已結業)

本身唔系住开鲗鱼涌附近，所以放学过黎都花左唔少时间🙈庆幸嘅系呢间乌冬店都近地铁店，好方便，好快揾到。去到餐厅大约8点半，当时餐厅都坐满8成位，好彩唔洗等位👍🏿因为之前search过都知呢度几出名，好多人排队等位。入到去坐左喺卡位入面，感觉上都几迫，枱与枱之间又冇乜空间，冇地方摆袋，不过可以理解嘅。然后落单嗌左一个三文鱼乌冬同一个猪扒乌冬，上菜嘅时候系一盘过饮品食物一齐上，好似喺foodcourt咁嘅。先评论食物素质，鱼汤都清甜，面唔太淋，不过配三文鱼的话，味道唔够浓。另外，猪扒份量好多，大大件，但皮同肉分离，好难夹起，感觉唔够新鲜，切左件每件都好大件，唔方便食。饮品方面，最印象深刻嘅系，杯冻朱古力好浓味👍🏿👍🏿👍🏿服务方面，员工态度服务都好好，我地有时周围望下环境，都有问返我地系咪需要帮忙，走嘅时候，都有问返客人满唔满意食物素质👍🏿👍🏿👍🏿整体而言，食物价钱尚算合理，食物素质味道尚可接受，如果大家就脚的话，可以一试👉🏿