影片
更多
2019-10-18
4508 浏览
好耐无跨区渡周末喇，所以，专登同老婆拍拖更过嚟铜锣湾、天后一带行吓，食吓嘢，而午餐选上由知名品牌「Vivienne Westwood」所开设嘅Café，皆因睇过食友嘅食评，赞口不绝，晚市有点贵，所以，就嚟试试午餐。店舖共分两层，地下喺品牌嘅服装及配饰店，楼上则喺带点英式风格嘅Café。踏进店内，环境好特别，先喺近门口位放置一啲饰柜，摆放咗一套套英式餐具，别致好睇。此外，近门口嘅另一边，喺超吸引嘅饼柜，里面放咗唔少款式嘅蛋糕，卖相亮丽。经过水吧位，走入啲就喺用餐区，第一眼就见到好「吊诡」嘅13小时大钟。有人话，如果每日多一个钟用就好喇，其实，如果一个人嘅时间管理得唔好，多几个钟都喺无用。其余嘅用餐区，透过唔同嘅摆设及装饰，有犹如摄影棚或行猫步嘅舞台，又有仿宫廷般嘅画廊，不其然似喺划分咗几个区域，但同样喺富有心思。而个人感觉嘅最佳位置，当然喺窗边位啦，感觉开扬，更可以睇睇街景。午市嘅套餐好简单，就喺一份主菜配一份餐汤，定价为$138-$208，饮品刚需要另外加配。南瓜忌廉汤首先第一眼好眼熟就喺啲餐具，正正就喺求先摆晌饰柜里面嘅餐具。橙黄嘅南瓜忌廉汤好香甜，南瓜味又突出，口感细腻滑溜，但又饮
店舖共分两层，地下喺品牌嘅服装及配饰店，楼上则喺带点英式风格嘅Café。踏进店内，环境好特别，先喺近门口位放置一啲饰柜，摆放咗一套套英式餐具，别致好睇。
此外，近门口嘅另一边，喺超吸引嘅饼柜，里面放咗唔少款式嘅蛋糕，卖相亮丽。
经过水吧位，走入啲就喺用餐区，第一眼就见到好「吊诡」嘅13小时大钟。有人话，如果每日多一个钟用就好喇，其实，如果一个人嘅时间管理得唔好，多几个钟都喺无用。
其余嘅用餐区，透过唔同嘅摆设及装饰，有犹如摄影棚或行猫步嘅舞台，又有仿宫廷般嘅画廊，不其然似喺划分咗几个区域，但同样喺富有心思。而个人感觉嘅最佳位置，当然喺窗边位啦，感觉开扬，更可以睇睇街景。
午市嘅套餐好简单，就喺一份主菜配一份餐汤，定价为$138-$208，饮品刚需要另外加配。
南瓜忌廉汤首先第一眼好眼熟就喺啲餐具，正正就喺求先摆晌饰柜里面嘅餐具。橙黄嘅南瓜忌廉汤好香甜，南瓜味又突出，口感细腻滑溜，但又饮得出唔会落太多忌廉而变得好「漏」；碟旁嘅小包初时以为喺士干嘅一类，但咬落好软熟。
南瓜忌廉汤
26 浏览
0 赞好
0 留言
牛油果多士 $138老婆饮食一向都讲健康，所以，拣咗呢一道较为清新嘅牛油果多士，卖相无预期以牛油果铺天盖地咁摆出嚟而哗哗声，不过，放咗一大只流心蛋上面，就有少少意外惊喜。件酸种面包好好食，皮脆而有咬口，富麦香，牛油果蓉只薄薄一层，相反，加咗好多酸香嘅蕃茄莎莎，以及好厚身嘅黑醋，食落甚醒胃。
牛油果多士
$138
20 浏览
1 赞好
0 留言
我就死梗少少，始终觉得煮意大利饭先考到师傅手势，所以，有得拣，都拣番道海鲜意大利饭一试。卖相唔会好浮夸，够平实，睇落啲饭粒湿润得嚟唔会太过水，入口果然唔错，有咬口，饭心又唔会感觉太生，可讲喺恰到好处。而几款海鲜，都新鲜鲜甜，尤其啲大虾，爽弹有虾鲜味。
舒压花草茶 $88唔使多讲，拣得呢款花草茶，一定喺因其功效，以多种花草、干果、天然草本香料混合而成，功效多多，尤其可以舒缓压力、宁神安眠。茶色淡淡，味道幽香，饮落好舒服、顺畅，如配点点枫糖，感觉更好。
玫瑰拿铁 $65其实，心底里觉得啲定价喺有啲贵，不过，见到外观咁靓嘅拿铁，都无所谓啦。咖啡面嘅飞碟，正正喺品牌嘅标志，入口顺滑，口感平均，咖啡味醇厚而渗出阵阵玫瑰花香，让人称心。
真喺一段时间无咁悠闲晌星期六食午餐，今次嘅午餐感觉好写意，尤其晌呢排动荡嘅气氛中，实在需要多一点生活调剂，珍惜每一刻，活在当下。
张贴
