多爽 (已結業)

利用一程地铁打呢篇食评荃湾广场对出旧楼地舖一排排茶记食店，差唔多食匀哂，呢间系第一次食，讲真又几惊喜。睇门面佢好普通，俾人解决三餐嘅地茂店，打开餐牌个设计又系好平平无奇，见佢有即烧牛脷饭就叫黎试试，等左15分钟，差啲以为漏单，一上枱食一啖先知真章，牛脷厚切烧得好软绵无膻味，唔使点烧汁都够味，五件厚切都好够食，而佢个例汤无味精，热饮杯野同冻饮一样大杯，抵食呀。同行叫左碗咖喱猪扒饭，好crazy，劲厚切劲大块猪扒，有咬口又无雪藏味，生炸黎讲好掂！咖喱汁上面有一个完整嘅薯仔，咖喱汁椰香味重，出街最怕食肉食到唔新鲜嘅雪藏味！呢间会翻挞架！