其味煮意 (已結業)

平日甚少入屯门，今日专登入嚟揾朋友顺便食饭，就黎左呢间工厦里面既餐厅，刚好过了中午繁忙时间，所以无咩人可以慢慢坐。呢度地方够哂大，又有少少装修咁，除了一般既午餐外，原来都有商务套餐，价钱唔贵一于试吓。先来餐汤，upgrade 左做龙虾汤，味道鲜甜仲有好多虾仁，不错！主菜选咗「香煎三文鱼柳」（$138），条三文鱼又厚又大，相当惊喜！加埋香草，外皮煎得好香口，另外仲有少少菜和一片大蕃茄垫底伴碟，仲可以配意粉。另外点了「美国安格斯西冷牛扒（5安士）」（$108 ），一个人5安士其实都好够食，牛柳好腍，质素几好，加埋薯菜都好丰富。我哋都加咗两个甜品，焗火焰雪山及士多啤梨芝士蛋糕，以为火焰雪山会有火，其实没有的，哈哈！卖相唔错，打起既蛋白够滑，甜度适中。士多啤梨芝士蛋糕都好有士多啤梨味道，酸中带甜。呢度嘅饮品亦都值得一试，本身套餐可以加钱upgrade做Starbucks咖啡，俾埋个Capsule你睇，冇花冇假。我就拣咗要洛神花梳打特饮，大大杯，少少甜，唔错。