燒烤堂 (已搬遷) 新店位置

烧烤堂喺旺角长沙街呢条横街，唔算系旺嘅区域。 朋友之前食过话好食，今次就带我嚟试吓。舖面唔算大，全场满座，如果想食，记住要订位。 食烟人仕可在选择坐出外面。钟意饮啤酒嘅可以叫生啤，周年优惠买一送一！ 我地主要focus喺野食😚焦糖青苹果鹅肝多士多士入面有芝士粒，鹅肝够香脆，加埋青苹果片大大减低油腻感，正！芝士烧广岛蚝焗完仲好juicy，必食推介！盐烧Prime牛小排软腍无根无渣，送酒一流。蜜糖鸡中翼算系大只，蜜糖香甜而不腻。盐烧赤鸡颈肉餐厅推介嘅极嫩滑部份，烧得几香，但又唔觉得好嫩滑牛油芝士蒜蓉焗杂菇大大份好抵食，半溶芝士加埋蒜蓉酱，劲惹味。昆布汤稻庭乌冬乌冬烟韧弹牙，汤底本来几清甜，但太咸了。盐烧豚肉芦笋卷细细串，一啖食得晒。蜜糖烧菠萝系新鲜菠萝，香甜美味。盐烧豚肉荔枝卷必点推介，荔枝烧完仲好juicy，yummy。最后送左个小甜品 - 焗棉花糖。串烧系即点即烧，要耐心等候架，最啱慢慢食慢慢饮慢慢叹。