屋子空間 (已結業)

屋子空间 (大围)📍大围大围村9街12A今日黎到大围黎间文青小店chill下～餐厅装修是行日式简约风，成栋都系以白色为主。地下系厨房同落单位置，一楼先系客人坐既地方。不过唔知系咪因为以自助形式既关系，餐厅既环境唔算好整洁，而且要客人拎住啲野食上楼梯都有少少辛苦。野食方面以要以乌龙面同松饼为主，选择唔多。✨关西牛肉温乌龙面牛肉份量ok多，唔会太熟变到好老。味道同吉x家既差唔多，都系带甜既味道。而只温泉蛋好出色，一食落去蛋液慢慢流出，令汤底更加稠同滑，配埋乌冬食味道唔错。✨山葵麻婆豆腐温乌龙面见到呢个就觉得好特别，因为平时麻婆豆腐都系捞饭食，今次就试下配乌冬！一食落口有少少既山葵味，唔会好呛。而麻婆豆腐亦只有少少辣味，但味道够香够浓，个汁都比较稠，捞埋乌冬食可以挂面，出奇地夹！