祥香茶餐廳 (已結業)

人人都话呢个位置所有嘢都坚尼地，无错嘅~行过铁路站附近餐厅望望门口餐牌间间接近100蚊。呢一刻已经食饱咗，纯粹约咗人未够钟想揾个地方坐坐打发时间，本身有目的去揾一间小食，行到先知星期一休息。无经济实惠嘅嘢咪周围行下睇睇风景，行行下在对面马路见到间门面怀旧铺，人到中年喜欢怀旧，唔洗谂立即等过马路。果然好旧，唔赶客很慢活，正合我目的打发时间，不过我食完就走唔好阻人做生意嘛！下层满座，上一层揾个位坐低，年长的姨姨叔叔落单，当中交谈枱外窝心。 试下特别嘢，莲蓉馅鸡尾包饱唔热但松软，莲蓉古老嘅质感实净得嚟滑，好够莲蓉味。吞拿鱼西多士配薯饼即制热辣辣，吞拿鱼馅目测有1cm ，多士饱心软，边皮硬小小。薯饼酥、松、脆、香， 唔使嗌都跟埋茄汁酱， 唔会不断问你枝茄汁用完未（大爱）。 直到你食完坐咗一阵，先会问你要唔要再清理枱面，唔会你一食完秒杀收碟。呢样感觉极舒服。