鮨心 (已搬遷) 新店位置

近来返工辛苦，成日都想食好啲⋯ 呢日farewell朋友，想慢慢食日本野，就㨂左鮨心。Lunch time唔太满座，可能因为同餐厅价钱有关吧。不过咁重好，两人可以坐四人卡位，多啲privacy。Lunch set包括前菜小冷盘、茶碗蒸、吸物。 茶碗蒸有惊喜，加左虫草花同埋有淡淡柑香，令到味道又提升左！ 我地分别点了「刺身定食」同「北海丼」。「刺身定食」上枱前唔知有啲咩，但结果集合左我最钟意嘅种类😍 三文鱼腩由于系鱼腩位，脂肪比较多，食落真系入口即融！白身鱼轻轻火炙过，少少烟熏味令到本身比较淡嘅鱼有返层次。toro 同甜虾都水准中上。但估唔到定食都有海胆，够晒鲜味！ 跟餐白饭洒上黑芝麻，令到定食更「骨止」！ 不过白饭热辣辣，我觉得配刺身有少少唔惯。「北海丼」有满满三文鱼籽，葱吞拿鱼腩，海胆。够鲜味之余重好够份量。葱味啱啱好中和左吞拿鱼嘅腻，送饭一流！食完重有甜品雪糕一客，超满足。不过美中不足系想配饮品要加钱⋯午餐想要咖啡提一提神嘅上班族就要比多$20了⋯对于咖啡狂嘅我来讲就争左少少不过呢度服务好好，可以慢慢坐同倾计，刺身都出乎预料地好味！ 系可以偶而奢侈下嘅好选择。