牧羊少年咖啡館 (已結業)

［weekend的文青生活］平日日忙夜忙，工作已经占据左好大部份嘅时间。放工后要花几个钟睇下书都唔系咁容易。所以一到左weekend,就好想完完全全咁放低工作，拎番起本书，比番啲营养个脑。牧羊少年有好几间分店，间间都好有特色。荃湾呢间喺大会堂入面，下午黎到人唔系好多，门口就可以自助点餐，话比店员知坐边张枱就可以。餐具，水都系自助嘅。餐厅入面有好几个书架，冇带自己嘅书黎都可以随便拣一本黎睇。食物方面，叫左个八爪鱼水果藜麦沙律，饮cappuccino。沙律黎到，完完全全系特杯茶，够晒大份，而且配料十足，一啲都唔马虎。水果方面有好几旧桃，提子。加上八爪鱼都好鲜甜，仲有沙律菜、番茄仔、杏仁、大洋葱，坐部野夹埋口感一流，脆脆地又够清爽，仲有水果嘅甜味，一个下午未必睇得晒一本书，拣啲小品就完美喇！