Tram View Cafe

营业中

休息中

今日放假，特登过嚟行吓，虽然都知道缆车餐厅呢排唔会有缆车经过，兼且缆车站大维修，不过冇紧要，都感受一下!经过香港公园,仲要行条斜路先去到行到过嚟, 一路行见到成条路都维修紧确系有啲啲失望😮‍💨去到餐厅啦！入面感觉都系几relax,我哋选择咗坐outdoor,有少少微风吹吓吹吓，真系觉得好舒服，而且亦完全觉得自己系放紧假，而且远离繁嚣。我哋叫咗两个午餐一个系沙律🥗另一个系意粉🍝之后再加钱要咗两杯咖啡！我自己觉得食物质素好一般！意粉有啲似我细个时候学校嘅膳食！正常应该唔会特别想食，除非你饿得好紧要！另外我叫咗个杂菜沙律，啲芝麻酱多到不得了，味道浓到有啲吓人！之后加钱叫咗杯冻Mocha,我觉得系最正常不过，唔太甜，虽然冇乜朱古力味亦冇乜咖啡味！但总算唔难饮，另外果杯姜味latte又系甜到飞起!饮一啖已经超有外国圣诞气氛啰！😌总括来讲，呢度嘅气氛系唔错，环境亦都OK，如果有缆车经过可以打下卡，其实一流，真系几靓！食物方面提供嘅食物质素一般般，千祈唔好抱咁大期望！