影片
更多
2019-10-04
182 浏览
呢间餐厅位于天后住宅区，门口挂住Studio嘅名，听师傅讲佢哋系三个partners夹份开嘅，平时我哋就听过co-working office，呢到就co-working restaurant，都几特别。舖头并唔大，最多开到三张四人枱，合并就可以好似电影d贵族嘅长枱咁。然后有个开放式厨房，有个酒柜，仲有洗手间，都算五脏俱全。当晚就只有我哋同隔离两枱女仔，然后staff就一个负责主厨、一个负责serve，人少少，感觉好relaxing。加上呢到以食法国菜嘅速度咁食，一道一道菜上，又好慢好慢咁食，计过成餐饭真系食几个钟。亦因为咁佢哋唔会做好多枱，做几多轮就要睇booking啦。佢哋话试过招呼一班酒吧嘅staff，等佢哋收舖先黎，零晨食到第二朝黎到一个咁舒适嘅地方，就开枝酒叹下啦！$300一枝，好合理啦！我哋叫咗个每人$650嘅set，包5 course。什锦蕃茄玫瑰油醋蕃茄仔五颜六色非常悦目，而且每一粒嘅味道都唔同，师傅就教由浅色食到深食，再配埋芝士，酸酸甜甜又带点点咸，好开胃！初夏冻汤用几种蔬果打成蓉嘅冻汤又系一款开胃菜，一般冻汤都系咸食，但呢到用上水果，好似桃同葡萄，所以饮落系好甜，好
舖头并唔大，最多开到三张四人枱，合并就可以好似电影d贵族嘅长枱咁。然后有个开放式厨房，有个酒柜，仲有洗手间，都算五脏俱全。
当晚就只有我哋同隔离两枱女仔，然后staff就一个负责主厨、一个负责serve，人少少，感觉好relaxing。加上呢到以食法国菜嘅速度咁食，一道一道菜上，又好慢好慢咁食，计过成餐饭真系食几个钟。亦因为咁佢哋唔会做好多枱，做几多轮就要睇booking啦。佢哋话试过招呼一班酒吧嘅staff，等佢哋收舖先黎，零晨食到第二朝
黎到一个咁舒适嘅地方，就开枝酒叹下啦！$300一枝，好合理啦！
我哋叫咗个每人$650嘅set，包5 course。
什锦蕃茄玫瑰油醋
蕃茄仔五颜六色非常悦目，而且每一粒嘅味道都唔同，师傅就教由浅色食到深食，再配埋芝士，酸酸甜甜又带点点咸，好开胃！
初夏冻汤
用几种蔬果打成蓉嘅冻汤又系一款开胃菜，一般冻汤都系咸食，但呢到用上水果，好似桃同葡萄，所以饮落系好甜，好似果汁咁，好清新！
香煎刺身带子伴黑松露
带子煎得刚好，两边金黄，另外佢将一旧菇都切成带子咁样，搞笑又有心机。个汁调得唔错，有黑松露嘅香又唔会遮到带子嘅鲜。
香煎西班牙猪鞍扒
D肉粉红色架～平时香港食嘅肉都一定要全熟，但西班牙猪系草食嘅，无菌，所以唔需要全熟，带粉红色就刚刚好最嫩最香。旁边嘅西兰花泥加入咗海苔，系好特别嘅配搭，亦都可以去走梅头肉嘅肥腻感。
精选甜品
当日甜品系以Cream cheese、豆腐花、姜汁、桂花糖、果仁做成嘅甜品。上面𠮶层就好fluffy，下面嘅豆腐花就好清甜，加上果仁嘅口感，呢个甜品真系好有层次，出面一定食唔到。
张贴
