Nonsense

今日约丫姨去土瓜湾睇楼，期间落好大雨，打算揾个地方遮雨兼医下肚。记得平时搭巴士经过，近北帝街附近有间叫Nonsense嘅cafe，上网search过见评价唔错，极有兴趣试试。🟣双重芝士蟹肉焗大啡菇焗既大啡菇好大件，一客仲要有两件，一人一件唔洗争，切开全部都喺蟹肉，蟹肉上搭配芝士片同大啡菇都几夹，食落口感好丰富，正！🔵蒜香烟肉姜葱韩国蚝用上半煎烤的煮法处理韩国蚝，烹调时间控制得宜，故外层脆口，入面蚝肉嫰滑。🟢炸软壳蟹海鲜芝士咖喱锅烤油饼有一大个软壳蟹原件上，训向芝士咖喱锅上面，蟹炸得好薄粉，外脆内软既口感好正，配上拉丝既芝士咖喱锅，用来点油饼真系几正🟡烤羊架配烤蔬菜羊架肉质鲜甜美味🥰💯切落好有质感，澳洲羊架系我比较钟情既美食，羊脂分布均匀唔会有油腻感，食落无羊膻味，配以特制酱汁，真系垂涎三尺，配菜健康新鲜有营养👍🏻同酱汁味道好match成个口感同味道都好丰富。