茶木‧台式休閒餐廳 (已結業)

公司今天冇乜嘢可以做，可以早啲收工·，约定太太去铜锣湾，行吓商埸同埋睇吓有乜新戏上演。因为冇乜特别想睇嘅，所以行咗去揾间餐厅食埋饭先回家。早排听啲朋友讲，话骆克道有间以卡通人物小丸子做主题，都几得意嘅，因我太太都钟意小丸子，所以就去咗呢间餐厅。去到餐厅坐底，睇完餐牌后，我点咗一个 小丸子番茄肉燥鳗鱼饭、太太要咗个小玉南瓜海鲜魔法同埋小丸子热香饼、饮品要咗 沙仑玫瑰咖啡拿铁另外一杯邀咗爷爷抹茶欧蕾，两杯饮品𠮶名都好特别，玫瑰咖啡味好有玫瑰花味， 融入咖啡当中味道系另有一番风味，跟住就系 肉燥鳗鱼饭，鳗鱼肉质好有咬口，𠮶汁都非常正，配搭一流，小丸子热香饼，系非一般嘅热香饼，非常香脆，太太因为俾𠮶餐厅主题吸引住，系咁影相，搅到我非常冇引，最后等佢影到够喉先埋单。 临走都仲要影多几张，真系冇佢办法。