小桃咖啡室 (已結業)

小桃系一间位于铜锣湾既cafe ，环境同气氛都好适合一班朋友黎开party，亦都好适合三五知己约埋系度慢慢食，倾下心事，静静享受下呢度既美食~英式格雷伯爵茶系呢度跟餐可以叫个特色饮品，本身好中意茶，又比较中意热饮既我就简左呢壶伯爵红茶，热住饮，可以keep好耐，饮好耐今晚既餐汤系罗宋汤，餐包好脆，夹埋食，好开胃。烟肉铺天薯条配上芝士忌廉酱听讲小桃既铺天薯条好出名，就叫翻个烟肉铺天薯条啦！一试果然唔简单，有三种酱料任君选择，薯条外脆内软，上面铺满芝士同烟肉，食法同味道都好特别啊！法国酥皮芝士田螺喺脆脆中间上放置田螺而去焗过，有一种意想不到嘅效果。田螺同外层既苏皮融为一体，同平常一般既田螺口感绝对唔同。特式鳗鱼炒饭原条鳗鱼放左喺炒饭上面，有种壮观既效果。鳗鱼咬上去亦都非常好食，而味道浓厚，肉质亦都好有咬口！