慢煮工業 (已結業)

慢煮工业见到有新开嘅特色小食亭，仲用慢煮黎做特色，就拿拿临去试下。去到真系零零舍舍得一个亭仔，有好多人都等紧试新野。同朋友叫左一份慢煮8小时嘅牛肉芝士三文治，慢煮8小时鸡肉三文治，一份芝士流心大啡蘑同慢煮48小时英式牛仔骨加薯条。慢煮咁耐嘅野都系等左只不过10分钟左右，而且只有两个人帮手，出菜都算几快。慢煮嘅肉果然系非同小可，肉质鲜嫩多汁，弹牙且软熟，加上热溶左嘅芝士真系一流。三文治入边嘅生菜都得不提，好新鲜同爽，系超级市场买唔到呢啲生菜食。另外个大啡蘑非常juicy，推荐大家去一定要试，中间一个流心蛋配起芝士，又热又多汁，食到成嘴都系，大家食嘅时候小心爆汁。牛仔骨比起安格斯牛肉更出色，48小时慢煮真系唔系讲笑，用$48黎食一份牛仔骨以为系普通货仔嘅你就大错特错啦。牛非常腍但唔会无弹性，真空煮出黎嘅系特别好食，虽然份量系较少，但素质都足够答你系绝对值得去一食。不过记得系无乜位架，小食亭得两个位，不过侧边有位坐嘅，唔洗担心。