影片
更多
2018-08-12
87 浏览
之前同朋友食过太子道西𠮶间觉得几好味，于是今次就黎呢间，贪佢有pizza又有pasta可以拣，而且openrice 买现金劵又有85折，$85 可以买到$100现金劵，不过要留意返，一人限用一张，即系两个人就可以用两张，而且仲要喺用之前一日打电话去话俾佢地知当日会用先得，其实我就唔系好明，都系当现金用架啦，点解要咁麻烦呢…芝士烟肉薯条拼蕃薯条卖相吸引，至于个味道，薯条其实就好难唔好食既，但可惜唔够热，薯条系淋晒，芝士亦已经干左，只有中间既薯条系有一大堆芝士，食到最后其他薯条都已经无芝士，要点茄汁食。烟三文鱼柚子菠菜沙律沙律新鲜但烟三文鱼数量比较少而且细条，如果多返少少或大块少少就好啲。威灵顿牛柳(10安士)（期间限定，最好打电话预订)卖相唔错而且好香，一黎到已经切开左一半，我地五个人食所以谂住再切开，但本身把刀唔够利，所以同侍应讲叫厨房帮手切。酥皮包住野菌同牛柳，牛柳味浓多汁，但牛柳有少少韧，酥皮亦唔够松化，但野菌就几好食。我今次系第一次食威灵顿牛柳，唔觉得真系好似人地讲咁好食，但可以一试，因为$188都几抵。龙虾汁香蒜大虾扁意粉好香既蒜味，意粉烟韧，虾肉都弹牙同大只，都算唔错，但食唔
芝士烟肉薯条拼蕃薯条卖相吸引，至于个味道，薯条其实就好难唔好食既，但可惜唔够热，薯条系淋晒，芝士亦已经干左，只有中间既薯条系有一大堆芝士，食到最后其他薯条都已经无芝士，要点茄汁食。
烟三文鱼柚子菠菜沙律沙律新鲜但烟三文鱼数量比较少而且细条，如果多返少少或大块少少就好啲。
威灵顿牛柳(10安士)（期间限定，最好打电话预订)卖相唔错而且好香，一黎到已经切开左一半，我地五个人食所以谂住再切开，但本身把刀唔够利，所以同侍应讲叫厨房帮手切。酥皮包住野菌同牛柳，牛柳味浓多汁，但牛柳有少少韧，酥皮亦唔够松化，但野菌就几好食。我今次系第一次食威灵顿牛柳，唔觉得真系好似人地讲咁好食，但可以一试，因为$188都几抵。
龙虾汁香蒜大虾扁意粉好香既蒜味，意粉烟韧，虾肉都弹牙同大只，都算唔错，但食唔出有龙虾汁。
BBQ delight 烧烤盘烧烤盘有半只烤春鸡、美式猪仔骨、粟米、蕃茄仔、椰菜沙律同薯角。
最欣赏美式猪仔骨，因为整得够淋而且唔会干，表面既酱汁亦都几好味，而烤春鸡肉质亦嫩滑多汁，配埋蕃茄仔一齐食都好夹。
BBQ酱鸡肉杂菌薄饼呢个几好味，BBQ酱唔会多到令个饼底淋晒，而且口感好丰富，材料好足，正!
整体黎讲，食物质素都几好，价钱都合理，可惜服务普通，一黎人手少，二黎有个侍应好似发紧梦咁，叫几次先应，问佢拎个外卖盒，转个头佢又唔记得…不过值得欣赏既系呢度无限时，真系好适合同朋友一路食、一路饮、一路吹水。
张贴
