意樂餐廳 (天晉匯2)

营业中

休息中

睇完成个lunch menu后，最吸引都系个慢煮咖哩牛，虽然病病地但都照食！到加杯热奶茶。基本等5分钟就上菜，就睇摆盘唔多吸引，但牛坑腩份量非常多，成碗咖哩入面有成十几旧无骨牛腩加几旧薯仔。先评咖哩，食落微辣，辣味会停于口腔，口感偏厚，加上珍珠米食落唔错，但如果单食就偏咸，米饭同咖哩比例可自调，个人觉得较适合重口味人士。再讲牛坑腩，因为慢煮关系肉煮到好林，亦入味。但可能因为一大煲煮既关系，有部分牛煮得太耐，肉质变得有少少柴，好可惜。咖哩薯仔，口感好有趣，外皮韧到不得了，但内就几软，系唔错。到热奶茶，嗯，唔够香唔够滑太涩，茶底一般，虽然落多奶但都拯救唔到本质。再选一次我会选择热柠茶。总结而言，咖哩牛腩口味偏重发浓，味道非我所偏好。肉质视乎运气，薯仔口感有趣，奶茶很一般，下次食可能会试其他野食。