忠仔麵 (御海灣)

营业中

休息中

坐车返屋企时经过一间车仔面店叫咩做「忠仔面」，佢嘅怀旧装修几特别😍，我叫左［慢煮咸香脆鸭髀捞面］、［蒜泥白肉］同埋叫多个［三款净𩠌］嚟试吓。［慢煮咸香脆鸭髀捞面］ - 有两款面选择：大光面/乌冬，我拣咗大光面，首先讲吓只鸭髀，好香鸭油味，皮香脆，少少咸味，其实有啲似油封鸭髀，不过就系用焗嘅方法，几好食。另外会附一碗鸭油用嚟捞面，味道唔太咸，主要系鸭油香味，真系几正😋。呢个面餐会有杯饮品，我选择+$6改饮冻柠乐，不过可惜嘅系⋯⋯可乐唔系樽装，尤其系呢个环境下饮。［蒜泥白肉］ - 首先份量好多，调味亦都唔错，不过⋯⋯呢款蒜泥白肉系热㗎，少咗白肉嘅爽，我自己就不太喜欢。［三款净𩠌］ - 首先我拣咗菜底、猪骨清汤同埋惹味甜辣汁，至于三𩠌我就拣咗牛筋腩、鲜虾云吞、关东煮萝卜。餐牌上写住必食牛筋腩，我觉得正常，反而鲜虾云吞唔错，关东煮萝卜系最出色，呢个我个人认为系必食，另外惹味甜辣汁亦都系非常出色，有啲似甜面酱。