忠仔麵 (御海灣)

营业中

休息中

人大咗，對衛生愈嚟愈講究，偶然想食碗車仔麵、篤串魚蛋🍢都怕嗱喳！難得屯門有間車仔麵唔止乾乾淨淨，裝修仲勁靚🎡，利用綠色鐵閘、紅色吊燈、復古家電、玩具，同埋掛咗一幅幅屋邨相片🌄，營造70、80年代屋邨嘅感覺，充滿童年味道！而家就算街邊篤串魚蛋都$12起跳，一碗車仔麵都$50up嘅時勢😂，呢間新派車仔麵價格算得上親民，$39有3餸，自於味道上，唔算最出色，不過勝在多餸揀，仲要係堂食，坐得舒服，😏對得住街坊了！🍡港式咖喱5寶 $50咖喱5寶簡直係童年回憶，惹味嘅咖喱，配埋彈牙嘅豬皮、魷魚同牛柏葉，仲有爽甜入味嘅蘿蔔，同煙軔嘅陳皮魚蛋，非常邪惡！🍜自選3餸 $393餸揀咗瑞士雞中翼、秘製豬手同特長脆皮腸，怕太多肉所以揀咗菜底。🥬3樣嘅味道都唔錯，瑞士雞中翼、秘製豬手惹味，脆皮腸好長下，淡淡肉正！🍜自選兩餸 $39兩餸食得清淡了，揀咗魚皮餃、響鈴卷配烏冬，唔算突出，但加腩汁有畫龍點睛嘅作用！🥤凍檸忌廉 +$10忌廉加幾片檸檬，酸酸甜甜夠解渴！🥛凍豆漿 +$4食車仔麵必飲凍豆漿，解渴又解辣！

呢日係屯門路過見到依間門面特別嘅 "忠仔麵 "，感覺新派車仔麵，睇嚟都唔錯一於入去試吓。店內懷舊港式風格嘅車仔麵，設計好特色，好似睇緊民初時期嘅電視劇，地方雖然唔係好大，但空間感足夠。車仔麵嘅餸料都有好多選擇，有肉食、丸類、蔬菜等，湯底有3種揀或走湯(撈麵)，仲有多款懷舊小食同飲品。港式𡶐哩五寶小食    $50  五寶分別有軟綿嘅豬皮、彈牙嘅魚旦、蘿蔔鮮甜、魷魚爽口、煙韌嘅牛柏葉，吸收咗咖哩汁，少少辣好惹味，經典小食。三餸一麵     $44好友呢碗嘅三餸係厚肉同牛味香濃嘅牛筋腩、好多汁嘅潮汕牛肉丸，廚師腸以及湯汁入味嘅關東煮蘿蔔，較粗身嘅米粉，好食過幼條，口感很好，清湯腩汁混合，加埋自製沙嗲醬，少少辣，非常惹味。三款淨餸 (菜底)    $39依碗冇麵係菜底，三餸揀咗軟淋有少少咬口嘅牛肋腩、牛味香濃，湯汁入味嘅關東煮蘿蔔、好爽甜，蠔油冬菇口感軟身、帶鹹香味，鮮甜豬骨湯加牛腩汁，濃郁可口，菜底係生菜，翠綠爽脆。腐乳通菜     $20翠綠通菜爽口，加埋腐乳嘅鹹香，拌勻一齊食很夾。凍檸茶及凍檸水跟餐+$8/杯， 茶底不澀，檸檬清香，清甜解渴。

今日趁得閒冇野做一個人去左屯門行街😌咁岩見到間好有懷舊feel 車仔麵店😅因太耐冇食😚突如其來想去食😋決定去左試🤡點了三餸麵，兩個小食一杯飲品🥃自選三餸麵豬紅～質地柔軟濕潤珍寶蟹柳好巨型有～八吋長～它散發出濃郁的蟹肉香氣，令人垂涎欲滴🤪蟹肉的質地柔軟，口感鮮嫩關東煮蘿蔔～是日本必吃小食～它具有一定的甜味，經過煮熟後變得軟嫩，吸收了湯汁的風味，帶有微妙的甜味和清爽的口感配大光麵～即香港製造公仔麵🙃口感彈牙～小食～推薦⭐️⭐️⭐️⭐️⭐️爽脆藤椒魚皮-它結合了魚皮的脆爽口感和藤椒的辣味風味。這種魚皮是經過炸製而成，使其變得酥脆🤩推薦⭐️⭐️⭐️⭐️齋雞粒～係一種素的小吃🥹它炸型黃金色✨外層酥脆～咬下去是脆卜卜聲音😑好抵食飲品配凍檸茶環境～以懷舊屋村復古風格做主題😂見到我小時候玩的玩具🪀例如飛行棋、象棋、西瓜波、跳飛機✈️😌我的童年回憶終於回來了😂很掛念以前小時候童年快樂🎉還有一些古懂裝飾品、牆壁上掛滿一些懷舊時代海報同舊照片😍增添懷舊氛圍😚

平時來食車仔麵，已經好喜歡佢嘅惹味甜辣汁和關東煮蘿蔔。佢哋啲香蔥足料，冬菇大大舊又彈牙，牛筋嫩滑。😋過節前兩天才發現他們有盆菜，搏一搏嘅心態立刻試訂。老闆好好人，擔心唔夠食材，同我檢查清楚先落實覆我，非常盡責。佢平時嘅職員一樣都好有禮貌，我食一次就同屋企人讚佢地一次，年輕人能到做到禮貌周周，服務貼心，確實抵讚。👍🏻收到個盆菜真係有驚喜。攞盆菜嘅時候職員好細心咁吩咐落汁嘅程序，同埋分享一啲心得，希望我哋食得開心。果然一開盤，放汁一滾熱，聞到嗰陣香味四溢，成個人即刻湧埋嚟開餐。🍲佢啲陳皮魚蛋都係一個特色，好可惜今次食盆菜我一粒都食唔到，因為好食到到比屋企人全部搶食曬！蘿蔔枝竹入曬味，最緊要係佢個汁底，贈送菜同麵畀我哋，屋企人話：如果呢個係大大盆菜車仔麵仲好呀！證明佢真係好好食！😋食過返尋味嘅一次盆菜。以前食盆菜，總覺得食完呢餐，唔想食下一餐，今次例外。屋企人話以後訂盆菜都要訂呢間！太好味啦！😋😋😋

呢間車仔麵差唔多每個星期都食😂😂真係太高質✨✨餐廳環境：懷舊設計，有以前舊式既鐵閘，又加上新式既霓虹燈，而且座位都好闊落，仲有廁所👍🏻👍🏻✨食物方面：🫶🏻蒜香雞翼尖，潮汕牛肉丸，特長脆皮腸，幼麵今次選擇左沙嗲湯底，令到成碗麵都好入味，好香濃。雞翼尖亦都十分之出色同惹味，牛肉丸入邊醬汁十分多，脆皮腸長度十足，好似食極都食唔完咁😂😂😂✨瑞士雞翼瑞士雞翼汁十分出色，食落唔會覺得好甜，亦都冇遮蓋雞翼嘅味道👍🏻👍🏻👍🏻✨蒜泥白肉白肉嘅份量好多，而且蒜泥醬汁酸酸辣辣，食落好開胃😍😍😍✨腩汁娃娃菜配上佢哋既腩汁真係好特別😎而且份量夠哂多👍🏻👍🏻✨韮菜豬紅佢哋整得好好味😍車仔麵必叫😎😎而且勁大碗，又入味😋😋忠仔麵 (御海灣) (屯門)屯門海皇路23號御海灣地下5-7號舖

每個星期都要喺呢邊搵嘢食，最近俾我發現呢間嘅車仔麵真係幾好食個喎對我個女嚟講呢度簡直係一間親子餐廳走廊位置有部三輪車仔，餐廳又有一部扭波波嘅機每次我個女嚟到都會同姐姐講想扭波波，而職員亦都好好，會同小朋友講食嘢乖食完就過嚟搵姐姐（作為阿媽簡直加晒分）❣️個人推介❣️關東煮炆蘿蔔芝士波波腸蠔油冬菇炸魚皮（可能因為係同阿女食，大份到我要打包返屋企）

🔅自選3餸麵+ 1餸 · $44+$12一睇張落單紙真係花多眼亂🤩有好多料都想食！諗左好耐先決定到叫咩配搭😜份量超多好慷慨，好彩果日夠肚餓，如果唔係真係會食唔曬嫁！🐮必食牛筋腩 - 炆燉到晶瑩剔透，好入味🤓肉既部分都好軟淋😜🐷秘製豬手 - 唔係剩係得啲骨！滿滿嘅膠原蛋白，豬皮入口即溶，三舊大小均勻😝🦑墨魚頭 - 今次既驚喜之選！超乎預期！重點係非常彈牙新鮮🤓成為左我必叫選項🥬唐生菜 - 正常發揮😚🍜由於想食撈嘅關係簡左走湯加腩汁，店員好貼心，另外俾跟左碗清湯比我，如果太乾嘅時候可以加🤓麵要左烏冬，唔係果啲有酸味既😙有五款秘製辣汁可以選擇，我就唔係好食得辣，所以簡左惹味甜辣汁，真係超開胃！要求多蔥，估唔到做到比我🤪係比平時青蔥辛辣既京蔥絲！正其實仲有好多野例如藤椒魚皮、火雞腎等等都想試，但係實在唔想做大嘥鬼🙂‍↕️所以已經決定好無限次encore 😜

去完屯門泳池游水，去附近御海灣忠仔麵食車仔麵，座位寬敞又多，坐得舒服！～店內放了懷舊擺設，70至80年代兒時小玩具，牆身貼上香港觀光景色照片，感覺🇭🇰香港特色，真喺令人緬懷過去！車仔麵自選配搭超過40款食物，我同朋友點了三餸車仔麵🍜，額外加餸每款11元，真喺好抵🫰🏻！ 每款小食都非常吸引，朋友鐘意食8吋脆皮芝士腸，柱候牛腩同牛筋腩喺必食之選，肉質嫩滑易入口，加入腩汁仲好惹味添！瑞士汁雞脾撈麵🍜，雞脾大隻🍗，配一碗瑞士汁，自己安排鍾意落幾多汁都得。小食：🐷泰式豬頸肉 🥩 豬頸肉香噴噴，邊微微焦香，食落有啲香脆，加入店主自製沙嗲醬，惹味指數提升！菜心苗🥬配關東煮汁菜心爽脆，加入關東煮醬汁，增加鮮味！忠仔麵♡御海灣地下5-7號舖

裝修有心思，食物味道唔錯嘅車仔麵。📍地點：屯門🍽️菜式：車仔麵💰人均消費：午餐 HK$40~60🔖服務費：❎🧻餐巾/ 濕紙巾：❎ / ❎🪑座位類型：方枱/ 長枱📝落單方式：點餐紙落單【4餸車仔麵 - 半筋腩、牛肋條、豬大腸、鮮蝦雲吞】💰HK$55牛肋條必叫，以車仔麵餸來算整高質，材料本身亦較貴。半筋腩、豬大腸可以再食，紋煮得入味，筋腩夠淋。【瑞士汁雞翼】💰HK$32雞皮味道夠瑞士汁，但裡面雞肉完成唔淋身，食落似冷盤醉雞口感。.#foodcourt #foodxcourtx #foodxcourtxTM#屯門搵食地圖 #屯門美食 #屯門 #車仔麵.忠仔麵@mrchungnoodles🏷️ 屯門海皇路23號御海灣地下5-7號舖

我外賣食左6、7次，有三次俾錯或者俾漏，如果話啱啱開都情有可原，但到今日都係咁，真係要寫黎投訴下，雖然話打去講會下次俾番，但可唔可以最基本咁執啱啲餸呢。味道幾好都好，經常咁俾錯，負評.

是日晚餐想食粉麵，就特登搭車去咗呢度食。因為聽聞呢度嘅車仔麵幾出名咁食完之後都確實真係下次可以再去，可以試吓其他唔同嘅餸因為你見佢款式其實都有好多種，一次未必食得晒。牛筋腩同豬腸 都大家值得一試 所有配搭比上嚟都幾好另外叫咗 港式咖哩五寶（小辣） 內有豬皮，魚旦，蘿蔔，魷魚，牛柏葉，蘿蔔夠腍本人比較推介菜芯苗就正正常常，我覺得想食菜就嗌 唔係嘅話可以留返個肚試其他最後埋單就$159 （因為我哋有額外其他飲品同埋小食） 正常一個面就四十零蚊環境都乾淨舒適嘅，唯獨係店員冇乜禮貌或者表情，不過呢個都唔影響食物品質的，純粹影響咗少少觀感。

又到食飯時間同同事專登搭車過黎食車仔麵我嗌左三餸河粉加腩仔- 雲吞 牛腩 豬腸雲吞據說係自己包既D蝦好彈牙 一d都唔梅真係皮薄餡靚😋😋😋豬腸無臭味 洗得好乾淨鹵到入曬味 好好食牛腩就有少少韌如果再淋d會更加好食另外仲嗌左碟關東煮蘿蔔一上枱覺得外表平平無其點知一擺入口真係驚為天人蘿蔔非常之甜 完全無渣我第一次係追住食蘿蔔😂😂😂😂😂而且份量又夠大我同同事兩個人食都好足夠不過地點就真係有啲隔涉希望會係屯門開多幾間分店喇

人生第一次食車仔麵(但係都改咗做菜底😂）因為俾佢啲裝修吸引到所以入咗嚟試吓😉呢度啲裝修好有心機整得好似以前舊嘅香港🇭🇰估唔到佢哋仲有油鴨脾配烏冬🍜佢哋啲🐷豬手又大嚿又沐而且滿滿嘅骨膠原， 食完個嘴仔都黏住左咗😚小食我哋就叫咗滷水雞翼同埋腐乳通菜🤩呢兩樣都好好食🤩👍🏻

my吃貨梓幸👧🏻 跟學校走入屯門參觀👀活動過後已經黃昏時間🌄經過間復古懷舊風格既車仔麵🍜牆壁上掛🈵懷舊海報照片📸無論食物同裝修都好有風味😋車仔麵性價比超高🆙甜酸齋·齋雞粒配車仔麵～呢個配搭又幾好食喎👍🏻新菜式酸菜魚～魚肉爽口🐠酸菜湯汁都好好食呀👍🏻餸菜款式選擇超多🍲MY梓幸最愛長長8️⃣吋珍寶蟹柳🦀八吋芝士脆皮腸🧀湯底同醬汁都系自家特製🈶甜辣汁·沙嗲汁·牛腩汁等等

坐車返屋企時經過一間車仔麵店叫咩做「忠仔麵」，佢嘅懷舊裝修幾特別😍，我叫左［慢煮咸香脆鴨髀撈麵］、［蒜泥白肉］同埋叫多個［三款淨餸］嚟試吓。［慢煮咸香脆鴨髀撈麵］ - 有兩款麵選擇：大光麵/烏冬，我揀咗大光麵，首先講吓隻鴨髀，好香鴨油味，皮香脆，少少咸味，其實有啲似油封鴨髀，不過就係用焗嘅方法，幾好食。另外會附一碗鴨油用嚟撈麵，味道唔太鹹，主要係鴨油香味，真係幾正😋。呢個麵餐會有杯飲品，我選擇+$6改飲凍檸樂，不過可惜嘅係⋯⋯可樂唔係樽裝，尤其係呢個環境下飲。［蒜泥白肉］ - 首先份量好多，調味亦都唔錯，不過⋯⋯呢款蒜泥白肉係熱㗎，少咗白肉嘅爽，我自己就不太喜歡。［三款淨餸］ - 首先我揀咗菜底、豬骨清湯同埋惹味甜辣汁，至於三餸我就揀咗牛筋腩、鮮蝦雲吞、關東煮蘿蔔。餐牌上寫住必食牛筋腩，我覺得正常，反而鮮蝦雲吞唔錯，關東煮蘿蔔係最出色，呢個我個人認為係必食，另外惹味甜辣汁亦都係非常出色，有啲似甜麵醬。