影片
更多
2025-01-13
0 浏览
1. 慢煮猪颈肉完全咬唔开，望一望中间仲系粉红色。问佢可唔可以整返熟少少，佢话慢煮系咁，如果我真系觉得唔熟就帮我攞微波炉叮熟佢。我谂我唔识食唔熟既慢煮猪颈肉。（为左安全，当然请佢照叮啦。佢叮完出黎真系无咗中间个挞粉红色及咬得开。）2. 我知你一早截咗单，但我系正正式式坐咗入黎，你俾QR code我落单既客人。如果你接左我张单后成20分钟先上菜，再要求我20分钟内食晒，咁你不如一早唔好俾人排队（我都喺门口排左成个钟）。我系一入座就落单，唔系加单。如果你系9点一定要落闸放狗，咁你一系再早啲截单。我谂无客人接受到，每食完一个小碟/沙律/主菜/饭就即刻收你只碟，然后成条枱布挞喺你张枱赶你走。连喺地下摆野个篮都想摆埋上你大髀咁滞。好阻你收工？3. 坐喺门口四人枱，出出入入俾其他客人撞到少少唔紧要，支持小店就预咗。但我成餐饭不停俾你楼面金发女同事踢櫈脚、撞我手踭，我揸筷子食野𠮶只手。我已经尽力尽坐近左边，等你通道阔啲。但撞到我既每次都系该位金发女同事，唔系出入既食客。老老实实佢每次行过我都唔敢食住等佢行过先，你大晒喇，客都比你有礼貌。4. 总结，请我食都无下次，味道不足以令我容忍咁既态度，更何况连
1. 慢煮猪颈肉完全咬唔开，望一望中间仲系粉红色。问佢可唔可以整返熟少少，佢话慢煮系咁，如果我真系觉得唔熟就帮我攞微波炉叮熟佢。我谂我唔识食唔熟既慢煮猪颈肉。（为左安全，当然请佢照叮啦。佢叮完出黎真系无咗中间个挞粉红色及咬得开。）
2. 我知你一早截咗单，但我系正正式式坐咗入黎，你俾QR code我落单既客人。如果你接左我张单后成20分钟先上菜，再要求我20分钟内食晒，咁你不如一早唔好俾人排队（我都喺门口排左成个钟）。我系一入座就落单，唔系加单。如果你系9点一定要落闸放狗，咁你一系再早啲截单。我谂无客人接受到，每食完一个小碟/沙律/主菜/饭就即刻收你只碟，然后成条枱布挞喺你张枱赶你走。连喺地下摆野个篮都想摆埋上你大髀咁滞。好阻你收工？
3. 坐喺门口四人枱，出出入入俾其他客人撞到少少唔紧要，支持小店就预咗。但我成餐饭不停俾你楼面金发女同事踢櫈脚、撞我手踭，我揸筷子食野𠮶只手。我已经尽力尽坐近左边，等你通道阔啲。但撞到我既每次都系该位金发女同事，唔系出入既食客。老老实实佢每次行过我都唔敢食住等佢行过先，你大晒喇，客都比你有礼貌。
4. 总结，请我食都无下次，味道不足以令我容忍咁既态度，更何况连生、熟、慢煮都唔识分，里里外外都无一样值得我俾$138食个set仲要受气。
P.s. 俾四对筷子我，其中一只系断咗。好彩我等食𠮶时有望一望。
张贴