慢煮工業 (已結業)

放工拍下拖系列‌～之前都黎过太子呢头食饭，曾经经过慢煮工业，觉得间餐厅设计几特别，系呢头都少D咁有style嘅餐厅。我初时远望以为系酒吧，但后来知道系食慢煮西餐，即刻劲想试。餐厅有2层，一入门口，好似个backstage咁，原来行楼梯上一层先系座位。我估老板可能好钟意夹Band，成间餐厅嘅设计都Rock味甚浓😆上完楼梯有套鼓～门面同餐厅设计已经令我对食物好期待啦！坐低见到刀叉摆设，系几特别～大部分食物都系慢煮，同行嘅男人对慢煮嘅食物非常有兴趣。是日餐汤系南瓜🎃汤～入口几滑，甜甜地，配埋个热辣辣脆卜卜嘅餐包，不错！主菜叫左medium rib eye～粉红色嘅肉，软绵绵，好香嘅牛肉味，又劲juicy。男人话慢煮牛扒黎讲，呢度嘅质素认真好，价钱唔贵，性价比高！我呢个菇精，大爱大啡菇呀！来一个慢煮海鲜盘，鱿鱼🦑仔、八爪鱼🐙仔、带子、虾🦐、青口、薯仔、粟米，其实都几丰富！虽然卖相平凡，但所有海鲜都鲜甜同好味。大力推介带子同青口～平时怕青口鯹同多沙嘅男人，都赞青口几好味！其实都食饱饱，但你知啦，食甜品有第二个胃架。我见到慢煮红酒梨子🍐个名，已经流哂口水 🤪等左阵，见到佢，果然一D都冇令我地失望呀