慢煮工房 (已結業)

继续发掘下观塘嘅工厂大厦食肆，又系时候讲快啲历史啦，喺观塘做嘢做左差唔多有六七年嘅时间，如果唔发掘多啲新嘢食嘅话呢就真系食到好闷架。今次就发掘左呢一间慢煮嘅西餐，其实慢煮系啲乜嘢嚟嘅呢？初头我都唔系好知，自从我有个同事喺美国𠮶边买咗一个慢煮嘅仪器返嚟我先开始认识。但系我就唔抛书包啦，我净系简简单单嘅觉得慢煮系容易啲比较低嘅温度将啲食物慢慢咁样去煮，透过适当嘅温度令到佢食物嘅味道，新鲜，营养，保持系最佳嘅位置。今日拣咗午餐嘅，一个慢煮牛肋骨意粉，佢呢一个牛肋骨真系煮得非常之淋，用叉笃去已经感觉到。咬落嘅感觉比起用明火炆嘅肉质更加重要事更加有口感，肉汁更加能锁住。另一个就叫咗慢煮温泉蛋，手作牛肉芝士汉堡扒配西班牙嘅意大利饭。呢一个饭局份量真系非常之充足，我特别中意个个汉堡扒，真系有两个拳头咁大，而且咬落去嘅肉系非常之有咬口，系用纯正牛肉而晤系用杂肉嚟煮。再配上嘅西班牙意大利饭，口感就比较软身，系我钟意嘅口感。再加上温泉蛋嘅蛋汁，捞埋落个饭到，令到饭嘅味道更多。特别重要提一提嘅，就系佢一餐上面系配上水果茶， 炎炎嘅夏日饮番一杯水果茶，比起什么什么奶茶，又或是冻柠茶个感觉，更加清新更加好。