慢煮工房 (已結業)

观塘工厦真系一个美食多箩箩嘅地带，今日同同事嚟咗骆驼漆大厦食西餐，听讲呢度嘅菜式都系慢煮，好耐未食过慢煮味道了。系脑海之中，今日终于可以食返啦。我自己就点左慢煮美国安格斯肉眼餐，头盘有沙律同是日餐汤，而今日餐汤系南瓜忌廉汤，浓浓嘅南瓜味，好多南瓜蓉，非常有口感，除咗有少少甜，总括嚟讲都唔错。再跟一杯夏日果茶，而我个人比较推介朋友order个杯茉莉花有汽水，清清地几好饮。讲返美国安格斯肉眼先，劲劲劲大块，生熟程度啱啱好，非常好味又唔难咬，肉汁锁住晒好入味真系好正，食唔晒打包返屋企再食。而朋友个意大利海鲜饭成虾好大只，原来呢度食嘢咩都大，感觉好满足同埋好抵食。会再嚟！