盛寅慢煮製麵 (已結業)

朋友上星期食完番寻味，约咗我黎呢间#盛寅慢煮制面 ，佢话餐厅是由日本人与本地人合作开设的，所有肉类都经慢煮处理，汤底洋葱大蒜鸡白汤，大地鱼虾米汤都是经老板改良，每日鲜制，食物美味，同埋价钱亲民，咁一于跟佢去食番餐啰。我点了椒麻鸡肉拌面，大地鱼虾米汤，可选胸肉/髀肉，多/少面，真系好啱我心水。我梗系点髀肉啦，很滑唔会韧，跟住饮埋汤先，很清甜，真系几好饮☺️，椒麻捞匀油荞麦面很香口，店员提示可加桌面上的柚子酱油，更加够味。老友食霸王鸡汤面🍜，配洋葱大蒜鸡白汤，我都即时呷啖，真系好饮，感觉很滋润，真系会饮晒成碗汤㗎。套餐有埋野菌油菜，包饮品都只系$69，真系超值。小食点左日式酱煮牛筋，煮得很软淋，酱汁好入味，又唔会觉得咸。