慢煮工業 (已結業)

同朋友聚会无意间发现左我认为几适合同一班朋友Chill嘅餐厅,内里嘅装修带有少少工业风,价钱合理份量几大。菲力牛扒经过慢煮,肉质嫩软又juicy,一切开肉汁澎湃流出,嫩粉红色非常吸睛。牛扒调味方面只加上黑胡椒,盐同蒜头,虽然调味简单但系已经好好食,能够带出牛嘅香气。烟熏猪仔骨嘅份量都几多,切开有4大条。肉质软淋到可以骨肉分离,而且BBQ味好入味。 依份甜番薯条真系超抵食,平时闲闲地起码都要$40-50一份,但系依份只需要$28,仲要多到食唔晒。马苏里拉芝士条新鲜热辣辣炸起,咬开一半仲有强力嘅拉丝效果。炸海鲜有齐晒炸鱼,炸鱿鱼圈同炸虾。我个人就最钟意炸鱼,口感外脆内软。