影片
更多
2021-08-10
103 浏览
原来上次嚟慢煮工业，已经系年半前嘅事！岁月催人....今次再嚟帮衬，发现一个特式，帮衬嘅都系D90后00后，搅到我感觉young咗！上次帮衬时坐下层，无点留意环境，原来内有干坤，楼上有雅座，今次坐楼上。餐厅名讲到明"慢煮"，所以..... 帮衬时已经调节心态, 边等边同朋友吹水占卜边食。楼上有个望上去好普通嘅霓虹灯光管，虽然普通，但就出奇地提升格调，再配合埋D轻音乐，格调一流。点咗两客美式蟹饼，安格斯西冷牛扒，炸鸡半只，芝士流水蛋大啡菇，小食盘有炸芝士条，美式薯条同炸鸡翼。重有支雪梨梳打水。从未试过什么雪梨梳打水，有一般梳打水嘅口感之余又多一份雪梨香味，但一D甜味都无，好鬼特别!美式蟹饼酿入满满蟹肉，蟹肉鲜甜，最紧要系份量多到感觉有少少夸张，超足料无偷工减料。安格斯西冷牛扒无得选几成熟，目测应该九成熟，西冷无点落腌料，所以牛味丰富，我都只系加上黑椒，尚算肉嫩 juicy，再煮耐D就会过火!可能系慢煮效果。单睇只鸡翼就知炸鸡系细鸡品种，皮滑但肉质煮得啱啱好，同样再煮耐D就过火。芝士大啡菇上嘅流心蛋煮到似温泉蛋，口感超滑，蛋黄汁流出令大啡菇都变得嫩滑，只系味道淡咗少少，我口味较重，所以加上
今次再嚟帮衬，发现一个特式，帮衬嘅都系D90后00后，搅到我感觉young咗！
上次帮衬时坐下层，无点留意环境，原来内有干坤，楼上有雅座，今次坐楼上。
餐厅名讲到明"慢煮"，所以..... 帮衬时已经调节心态, 边等边同朋友吹水占卜边食。
楼上有个望上去好普通嘅霓虹灯光管，虽然普通，但就出奇地提升格调，再配合埋D轻音乐，格调一流。
点咗两客美式蟹饼，安格斯西冷牛扒，炸鸡半只，芝士流水蛋大啡菇，小食盘有炸芝士条，美式薯条同炸鸡翼。
重有支雪梨梳打水。
从未试过什么雪梨梳打水，有一般梳打水嘅口感之余又多一份雪梨香味，但一D甜味都无，好鬼特别!
美式蟹饼酿入满满蟹肉，蟹肉鲜甜，最紧要系份量多到感觉有少少夸张，超足料无偷工减料。
安格斯西冷牛扒无得选几成熟，目测应该九成熟，西冷无点落腌料，所以牛味丰富，我都只系加上黑椒，尚算肉嫩 juicy，再煮耐D就会过火!可能系慢煮效果。
单睇只鸡翼就知炸鸡系细鸡品种，皮滑但肉质煮得啱啱好，同样再煮耐D就过火。
芝士大啡菇上嘅流心蛋煮到似温泉蛋，口感超滑，蛋黄汁流出令大啡菇都变得嫩滑，只系味道淡咗少少，我口味较重，所以加上黑椒。
慢煮工业位处大角咀同太子交界，晚间条街颇冷清，但一走入餐厅，成班都系年轻人队酒吹水，连餐厅侍应都系年青人，环境又够情调，同街外成强烈对比!
张贴
