C.O.W. Dining (已結業)

当速食文化越黎越流行，慢慢注重健康既一群人开始提倡慢煮文化，精确控制温度及时间，保留到食物味道营养。听就听到多，真正一餐完整slow cook都系第一次食。Five courses meal 有齐前菜、汤、pasta、主菜同甜品。一坐低先食个餐前小食，水牛芝士加上蔬菜配搭新鲜。前菜就系Cold Cut Platter 配慢煮苹果&沙律，冻肉组合味道中等，唔淡唔太浓，尤其parma ham好香！配上口感特别既慢煮苹果都几得意。餐汤拣左蕃茄清汤，冇估到蕃茄煲出黎可以咁清澈，睇得出大厨下左一番功夫呢！虽然较清淡，但蕃茄味道都好出，作为餐前开胃不错。Pasta部份有自家制墨鱼汁云吞配带子海鲜，云吞皮加入墨鱼汁令味道同卖相相当特别，肉馅都好好味。最期待既主菜系慢煮美国牛肋条配法式红酒汁，牛肋条牛味非常浓，加上本身软腍既质感，即使经过慢煮八小时风味依然！食到最后已经饱得很，咁满足既一餐就由tiramisu同柠菜一杯作结吧。