慢煮工業 (已結業)

呢间比较隐秘嘅黄店，行过外边唔细心睇下都唔知道原来系一间餐厅，外边睇以为收费好贵，但其实收费都算亲民，而且仲唔驶加一TIM，同埋呢度嘅模式系先消费，后用餐，出去收银比钱之后，等食物整好就会有侍应送上。全日早餐(安格斯牛扒)本身就想要龙虾嘅，只不过太好卖龙虾，所以就转叫安格斯牛扒，呢个全日早餐入面有炒蛋、芝士焗啡菇、安格斯牛扒、沙律菜、茄汁豆、薯饼同埋多士，牛扒大约有八成熟岩岩好，牛肉味都几浓。荔枝接骨木花梳打有大大粒荔枝，卖相相当唔错。香茅蜜桃乌龙茶香茅味唔会好劲，饮落清清地，可以中和返全日早餐嘅油脂感。