慢煮工業 (已結業)

呢間西餐廳空間感大，格局似去左倫敦食晚餐既氣氛。安格斯西冷牛扒（8 OZ) $118份量都算足夠女仔食到飽飽，鍾意個海鹽，令牛味更加突出。加拿大保濕豬鞍 $128豬鞍肉質唔錯，梨醬整得幾好食。芒果大蝦沙律 $88有黑醋同芒果混合生菜，酸酸甜甜，幾好食。大蝦都大大隻。凍蜜桃水果茶 $38甜甜蜜桃味！荔枝接骨木花特飲 $38淡淡荔枝同接骨木花味，口感清新。餐廳氣氛好好，岩曬好友情侶去食飯傾偈。空間感十足有唔同打卡位有少少去左倫敦既感覺。