慢煮屋

营业中

休息中

今日约了保险经纪兼好友做年度总结，唔系饮嘢咁简单，食埋饭慢慢倾。店子简约舒适，座位整齐，环境企理。有多款全日主食套餐，加钱可追加小食和饮品，仲可单点甜品。烧三文鱼骨 ($38) 烧得金黄，味道咸香，都有唔少肉，嫩滑油润，好吃！ 每份套餐都包有溏心溏和水果，我点了澳洲和牛拼牛舌定食转冷荞麦面（$78+$10）再加配海佬一只（+$12）。冷荞麦面口感唔错，点啲泠面汁和加埋只香滑溏心蛋就更正。和牛和牛舌都好嫩，有牛香，加上烧汁，味道好夹，两样都好味。水果是西瓜，又甜又多汁。除加配海佬 一只外，再追加多一只（$13），一人一只才满足。估唔到咁大只，炸得好靓仔，劲香脆，又唔油，啖啖肉，鲜香弹牙！朋友要份美国牛板腱丼（$88）加配芝士鸡翼，牛板腱舖满饭面，份量好足。将溏心蛋连米饭同食，蛋汁渗入米饭中，正！牛板腱啖啖肉，有咬口，香嫩味浓，得！芝士鸡翼（+$12/2只）煎很好香，香口肥美，加埋面头嘅芝士溶，咸香美味。