富都茶餐廳 (已搬遷) 新店位置

大前日(28-9-2014 Sun)朝早起身后同男友,落荃湾食早餐,制到落o黎,间间都多人,唯有呢间冇人走至有位,我要$26.00o既自选双拼早餐,要猪柳汉堡,德国脆肠通粉,加$2.00饮冻柠水.男友要$32.00o既欧陆早餐,要牛扒西煎双蛋,加$2.00饮冻奶茶.落o左单,7分钟后,男友o既冻奶茶至到o黎,1分钟到我o既冻柠水.2分钟后,我o既猪柳汉堡,德国脆肠通粉到o黎,但德国脆肠变o左美国肠仔,好,算数,因为落单时,亚姐覆我系肠仔,我冇矫正,系我o既错.我就食得喇,肠仔好咸,汉堡扒一般正常.,通粉软硬适中,汤o既味道淡啲啲.我食到一半,男友o既牛扒西煎双蛋欧陆早餐重未到o黎,有冇搅错?同我o个份相差6分钟至到o黎,我黐啖牛扒食,咸咸地系正常,但有调过味,不过调到唔知咩味,有啲怪,又煎到有啲实, 一般.服务:呢日侍应成日话假日多人,我o地明白,但其实最大原因系佢o地厨房唔够人,呢日我唔介意慢慢食,只系仍o地自己累自己返枱返得慢.