丼丼屋 (健威坊) (已結業)

其实经过一次惨痛经历后，我已经话左blacklist呢间店，奈何阿女好钟意佢个焗饭，于是我无骨气地再一次帮衬。经过上次等个滑蛋猪扒饭等左九个字仲要三催四请先有得食，我今次已经做好要等嘅准备。入好单我开始计时，等左15分钟多啲阿女个焗饭就到左，时间ok可以接受，一心谂住今次无事发生啦......点知一等就再等多15分钟，我个炸鱼都未到，阿女见我开始发脾气帮我叫人催㕑房，职员态度良好好有礼貌，催完5分钟，炸鱼终于上场，炸鱼外脆内软不过无乜鱼嘅鲜味，咖哩汁甜而不辣，的确系好好味，尤其系当我已经等到极肚饿嘅时候。结果呢份炸鱼前后等左35分钟以上，不过今次做左心理准备无上次甘劳气。当我开始食炸鱼时阿女已经食完佢个份叫多个芭菲叹。呢间食物质素中上，价钱亦系中上，服务良好，唯一最吾好就系㕑房真系好慢，肚饿揾食医肚者不宜。