泰灜

营业中

休息中

餐厅位于佐敦，上下两层，主打泰式料理，午市免加一，有多款性价比高嘅套餐，另提供肉类海鲜蔬菜炸物小食甜点同饮品，每日有唔同优惠活动，仲可以Book场Book蛋糕庆祝🍾朋友仔生日所以预先Order咗个玫瑰型嘅芒果糯米饭蛋糕，芒果切成一片片，新鲜制作，酸甜度适中，下面铺上糯米饭，软糯可口，色香味俱全。店员仲会搞气氛，唱泰文生日歌同生日寿星庆祝，真系好鬼正🔥私心喜欢呢度嘅主食，有干炒河猪、炒金边粉同虾膏泰式腊肠炒饭。全部份量大大碟，炒至干身，好有镬气，食落唔算好油，调味适中，唔会过淡或者过咸，大人小朋友都啱食。推介酸辣椰汁鸡汤同蟹肉煎蛋，前者椰味突出，汤底清甜，仲有好多配料，口感丰富、后者铺满蟹肉，煎至酥脆，薄身，蛋味香。海南鸡同杂菜炒芥兰都可以试试，鸡肉嫩滑，菜品新鲜，食吓食吓都好快清晒。炸物同小食都有几多选择，要咗鸡枣、炭烧猪颈肉、鸡翼同春卷。炸至脆身，外层够薄，馅料饱满，点埋酸甜酱更加好味。整体食物质素唔错，店员服务态度态，值得再次回访。