詩餅坊

营业中

休息中

本身打算即日买啲小cake庆祝男朋友生日，预先打左电话问有冇想要嘅蛋糕款，原来系到时候师傅系即叫即做，俾佢对做饼嘅诚意打动左，所以就去帮衬。去到舖头，舖面唔大，但系啲蛋糕排得好整齐好靓，店员好友善，问左我想要边款，就走入去厨房同师傅讲，之后仲走埋入去帮手包装俾我。系店舖左手边会有啲生日庆祝嘅特别蜡烛同牌仔，有需要可以即场购买。而系右手边都系有张枱仔同櫈俾人堂食或者等待，仲有冷热饮品添。我叫左抹茶红豆蛋糕同埋开心果拿破仑，2样都好好味，抹茶戈款口感好特别，而开心果嘅味道好浓郁，而且制造一啲都唔马虎，每一层都有开心果，好少系出面食到，男朋友食得好开心。下次会再黎试其他口味。